ەلىمىز بويىنشا جەدەل جاردەم قىزمەتىندە مامان تاپشى

مۇنداي ستانتسيالار فەلدشەرلەرمەن 90% قامتىلسا, دارىگەرلەر سانى 80%-كە دا جەتپەيدى. بۇل تۋرالى ۇلتتىق شۇعىل مەديتسينانى ۇيلەستىرۋ ورتالىعىنىڭ وكىلى ايتتى.

اقحالاتتىلار نە سەبەپتى جەدەل جاردەم قىزمەتىندە جۇمىس جاساعىسى كەلمەيدى? جەدەل جاردەم بريگاداسى كەزەكتى شاقىرتۋعا شىعىپ بارادى. دارىگەر مارالدىڭ بۇل قىزمەتتە جۇرگەنىنە 10 جىلعا جۋىقتاعان. ءار جۇمىس كۇنى ونداعان ادامعا العاشقى مەديتسينالىق كومەك كورسەتەدى.

ءوزى – 4 بالانىڭ اناسى. قىزمەت بابىندا كەيدە پسيحولوگيالىق تۇرعىدا سالماق تۇسەتىنىن ايتادى. ايلىعى 400 مىڭ تەڭگە شاماسىندا. بۇل ونىڭ ەڭبەك وتىلىنە قاراي بەكىتىلگەن سوما ەكەن. مارال باكيەۆا, مەديتسينالىق بريگادانىڭ دارىگەرى: – ءبىر كۇن كۇندىز ىستەيمىز, ەكىنشى كۇنى – ءتۇن. سوسىن 2 كۇن دەمالامىز. وڭاي. قيىندىقتارى دا بار ەندى, سول شاقىرتۋلارعا بايلانىستى. كۇنىنە شاقىرتۋلار وتە كوپ, 10-12 جاسايمىز.

ال تۇندە 20-21. ەڭبەك دەمالىسى نەگىزىندە 28 كۇن, بىراق ونىمەن قاتار «وزدوروۆيتەلنىي» قوسىلادى. جالپى 42 كۇن الامىز جىلىنا. جەدەل جاردەم قىزمەتىنە جۇرتشىلىق تاراپىنان العىس تا, شاعىم دا بار. ەلوردا تۇرعىندارىنا جۇرگىزگەن ساۋالنامامىزدىڭ ناتيجەسى وسىنى اڭعارتتى. ساۋالناما: – جەدەل جاردەم ۋاقىتىندا كەلمەيدى. مەن الدىندا 2-3 ساعات كۇتتىم. قان قىسىمى بولعان مەندە. كەلگەن جوق. سونىمەن ءوزىمىز باردىق. – ۇيدەگى تاتەم اۋىرىپ قالدى.

سوعان شاقىردىم. ءبارى جاقسى, كەلدى. ءيا, فەلدشەر, ءبارى بولدى. – ەڭبەكاقىلارى وتە تومەن. مەنىڭ جولداسىم الادى 200 مىڭ تەڭگە. ونىڭ ۇستىنە ول دارىگەرلەردىڭ تاۋلىكتەپ جۇمىس ىستەگەنىن قوسساڭىز.

ولار تۇنگە تۇسەدى عوي ءبىر كۇندەرى. سودان كەيىن ولاردىڭ تاڭەرتەڭ ءبىر بىتپەيتىن «پلانەركالارى» بار. مامانداردىڭ ايتۋىنشا, استانادا «103» بايلانىس جەلىسىنە تاۋلىك سايىن كەمىندە 3 مىڭ قوڭىراۋ كەلىپ تۇسەدى ەكەن. وسى ارالىقتا 100 مەديتسينالىق بريگادا قىزمەت كورسەتەدى. سالاداعى تۇيتكىلدەردىڭ ءبىرى جەدەل جاردەم كولىكتەرىنىڭ جاي-كۇيىندە بولىپ تۇر.

ەرمەك رامازانوۆ, قالالىق جەدەل مەديتسينالىق جاردەم ستانتسياسى ديرەكتورىنىڭ ورىنباسارى: – نەگىزگى تالاپ بويىنشا ءار 10 مىڭ تۇرعىنعا ءبىر جەدەل جاردەم كولىگى بولۋى ءتيىس. ەلوردادا قازىر 1,5 ملن ادام بولسا, بىزدە 149 كولىك بار. بىراق كوبى ەسكىردى. ءبىز ولاردى جوندەۋدەن وتكىزۋ ءۇشىن كونكۋرس جاريالادىق. ال جول-كولىك وقيعاسى سالدارىنان 10-عا جۋىق كولىككە زاقىم كەلدى. ولار بويىنشا ساقتاندىرۋ, باعالاۋ كومپانيالارىمەن ءتيىستى جۇمىس ءجۇرىپ جاتىر. ۇلتتىق شۇعىل مەديتسينانى ۇيلەستىرۋ ورتالىعىنىڭ رەسمي مالىمەتىنشە, ەلدەگى جەدەل جاردەم ستانتسيالارىندا 1541 دارىگەر مەن 13 مىڭنان استام فەلدشەر قىزمەت ەتىپ جاتىر.

تاجىريبەلى دارىگەرلەردىڭ ورتاشا جالاقىسى 550 مىڭ تەڭگە بولسا, فەلدشەرلەر ەڭبەك وتىلىنە بايلانىستى 350 مىڭ تەڭگە شاماسىندا ايلىق الادى. دەگەنمەن سالادا مامان تاپشىلىعى ايتارلىقتاي سەزىلىپ وتىر. اسحات ساپاروۆ, ۇلتتىق شۇعىل مەديتسينانى ۇيلەستىرۋ ورتالىعىنىڭ باسقارۋشى ديرەكتورى: – ماماندارمەن ەندى پروبلەما بار. ورتا مامان, فەلدشەرلەرمەن قامتاماسىز ەتۋ 90%-تەي رەسپۋبليكا بويىنشا. ال دارىگەرلەرمەن قامتۋ 73% توڭىرەگىندە.

مەديتسينالىق وقىتۋ مەكەمەلەرىندە, ءتۇرلى كافەدرالاردا العاشقى كومەك كورسەتەتىن مامانداردىڭ ازدىعىنا بايلانىستى سول كافەدرالاردا سونداي كۋرستار اشىلىپ, ماماندار دايارلانىپ جاتىر. سول ماماندار ءارى قاراي كوبەيتىلىپ, ولارعا گرانت ءبولىنىپ, سولار مەكەمەلەرگە باعىتتالىپ جۇمىس جاسايدى دەگەن ۇلكەن باعدارلامالار بار. شالعاي ەلدى مەكەندەردەگى ناۋقاستاردى ورتالىق اۋرۋحانالارعا شۇعىل جەتكىزۋ ءۇشىن ساناۆياتسيا قىزمەتى قاراستىرىلعان. بۇل تۇستا ءوزارا جاسالعان كەلىسىمشارت نەگىزىندە كومپانيالار كەز كەلگەن ۋاقىتتا اۋەكەمەلەرىمەن قامتۋعا دايىن, – دەيدى ماماندار.