Bilim
Elimizde balabaqshalardy qarjylandyrý júıesi qaıta qaraldy
Foto: ashyq derekkóz
Elimizde mektepke deıingi bilim berýdi qoljetimdi etý jáne onyń sapasyn arttyrý maqsatynda balabaqshalardy qarjylandyrý júıesi qaıta qaraldy, dep habarlaıdy qandastar.kz
Jańa ózgeris boıynsha ata-analar balasyna balabaqshany ózi tańdaı alady jáne balanyń bilim alýyna qajetti qarjy memleketten tikeleı mektepke deıingi uıymǵa emes, balanyń artynan tańdalǵan mekemege beriletin bolady.
Úkimet baspasóz qyzmetiniń málimetinshe, mundaı mehanızm jekedegi jáne memlekettik balabaqshalar arasynda básekelestik qalyptastyrýǵa baǵyttalǵan. О́ıtkeni olardyń basshylyǵy múmkindiginshe kóbirek bala tartý úshin bilim berý sapasyn arttyrýǵa jáne bilikti tárbıeshilerdi jumysqa alýǵa májbúr bolady.
Qazirgi ýaqytta bul mehanızm Qazaqstannyń tórt qalasynda – Tarazda, Shymkentte, Túrkistanda jáne Oralda pılottyq rejımde engizilgen. Aldaǵy ýaqytta ony búkil el boıynsha masshtabtaý josparlanýda.
