ەلىمىزدە بانكروتتىق تۋرالى ءوتىنىش بەرەتىندەر كوبەيۋى مۇمكىن

بيىل بانكروتتىق بويىنشا ءوتىنىش بەرەتىندەر سانى ارتۋى مۇمكىن. بۇل تۋرالى مەملەكەتتىك كىرىستەر كوميتەتى توراعاسىنىڭ ورىنباسارى قايرات مياتوۆ مالىمدەدى.

ونىڭ ايتۋىنشا, بۇگىندە سايت ارقىلى كۇنىنە 130-عا دەيىن ءوتىنىش تۇسەدى. ونىڭ اربىرىنە ارنايى مونيتورينگ جاسالادى. ءتيىستى تالاپتارعا سايكەس بولسا, وندا وتنىشتەر اۆتوماتتى تۇردە بانكروتتىققا وتەدى. قازىر 9841 ادام بانكروت دەپ تانىلعان.

ولاردىڭ قارىزى 20 ملرد تەڭگەگە جۋىقتادى. ال جالپى بۇعان دەيىن بانكروتتىققا 86 مىڭ ادام ءوتىنىش بەرگەن. سونىمەن قاتار, ۆەدمستۆو بانروتتىق تالاپتارىنا جەڭىلدىك بەرەتىن ۇسىنىستاردى ەنگىزگەن. ايتا كەتەيىك, بانكروتتىققا ءوتىنىم قابىلداۋ بىلتىر 3 ناۋرىزدان باستالعان. قايرات مياتوۆ, مەملەكەتتىك كىرىستەر كوميتەتى توراعاسىنىڭ ورىنباسارى: — ادامداردىڭ كوبى بانكتەردەن 5-6 نەسيە العانىمەن, قارىزدارىنىڭ جالپى سوماسىن ەسەپتەمەيدى.

بيىلدان باستاپ وتىنىشتەر سانى ارتۋى مۇمكىن, سەبەبى اەك سوماسى ءوستى. سونىمەن قاتار, بانروتتىق تالاپتارىنا جەڭىلدىك بەرەتىن ۇسىنىستاردى ەنگىزدىك. ەگەر وسى ۇسىنىستارعا قولداۋ جاسالسا, بانكروتتىق راسىمىنە قاتىساتىن ادامدار سانى دا ارتادى. بىراق ايتارلىقتاي كوپ بولادى دەپ ويلامايمىن. سۇلتانبەك ماكەجانوۆ, قر پارلامەنتى سەناتىنىڭ دەپۋتاتى: — تالداۋدىڭ ناتيجەلەرى كورسەتكەندەي ازاماتتارعا بانكروتتىق نەمەسە تولەم قابىلەتتىگىن قالپىنا كەلتىرۋ راسىمدەرىن پايدالانۋعا كەدەرگى جاسايتىن بىرقاتار پروبلەما مەن زاڭنامالىق كەمشىلىكتەر انىقتالدى. بىرىنشىدەن, كرەديتورلار مەن كوللەكتورلار كرەديتتىك بيۋروعا بورىشكەرلەر تۋرالى قيسىنسىز دەرەكتەر ۇسىنعان.

ەكىنشىدەن, قارجى نارىعىن رەتتەۋ جانە دامىتۋ اگەنتتىگىنىڭ قالىپتاستىرعان كرەديتورلار تىزىمىندە كەيبىر قارجى ۇيىمدارى قامتىلماعان.