Jańalyqtar
Elimizde memlekettik qyzmetshilerdi tártiptik jaýapkershilikke tartý tártibi ózgerdi
Atap aıtqanda, memlekettik saıası qyzmetshilerdi tártiptik jaýapkershilikke tartý tártibi ózgerdi.
Memlekettik saıası qyzmetshi burynǵy memlekettik laýazymda tártiptik teris qylyq jasaǵany úshin tártiptik jaýaptylyqqa tartylady.
Eger burynǵy memlekettik laýazym saıası memlekettik laýazym bolyp tabylǵan jaǵdaıda, onda tártiptik jaýapkershilik máselesin qaraýdy memlekettik qyzmetshi tártiptik teris qylyq jasaý kezinde laýazymdy atqarǵan Memlekettik organ memlekettik saıası qyzmetshiler bóligindegi Qaǵıdalardyń tıisti erejelerin qoldana otyryp júzege asyrady.
Eger burynǵy memlekettik laýazym memlekettik ákimshilik laýazym bolyp tabylsa, onda tártiptik jaýapkershilik máselesin qaraýdy memlekettik qyzmetshi tártiptik teris qylyq jasaý kezinde laýazymdy atqarǵan Memlekettik organ memlekettik ákimshilik qyzmetshiler bóliginde Qaǵıdalardyń tıisti erejelerin qoldana otyryp júzege asyrady.
Memlekettik saıası qyzmetshige tártiptik jazany tártiptik jaza qoldaný merzimderi sheginde sońǵy atqaratyn laýazymy boıynsha ýákiletti tulǵa qoldanatyny kórsetiledi.
Saıası memlekettik qyzmetshiniń atqaryp otyrǵan saıası memlekettik laýazymdaǵy ókilettigi toqtatylǵan kúnge deıin alynbaǵan tártiptik jaza osy ókilettigi toqtatylǵan kúnnen bastap alynyp tastaldy dep naqtylandy.
Sondaı-aq ákimshilik memlekettik qyzmetshilerdi tártiptik jaýapkershilikke tartý tártibi ózgerdi.
Memlekettik ákimshilik qyzmetshi burynǵy memlekettik laýazymda tártiptik teris qylyq jasaǵany úshin tártiptik jaýaptylyqqa tartylady.
Eger burynǵy memlekettik laýazym saıası memlekettik laýazym bolyp tabylǵan jaǵdaıda, onda tártiptik jaýapkershilik máselesin qaraýdy memlekettik qyzmetshi tártiptik teris qylyq jasaý kezinde laýazymdy atqarǵan Memlekettik organ memlekettik saıası qyzmetshiler bóliginde Qaǵıdalardyń tıisti erejelerin qoldana otyryp júzege asyrady.
Eger burynǵy memlekettik laýazym ákimshilik memlekettik laýazym bolyp tabylǵan jaǵdaıda, tártiptik jaýapkershilik máselesin qaraýdy memlekettik qyzmetshi tártiptik teris qylyq jasaý kezinde laýazymdy atqarǵan Memlekettik organ ákimshilik memlekettik qyzmetshiler bóliginde Qaǵıdalardyń tıisti erejelerin qoldana otyryp júzege asyrady.
Memlekettik ákimshilik qyzmetshiniń ýákiletti tulǵasy:
- qyzmettik tergeýdi toqtata turý jáne qaıta bastaý úshin negiz bolyp tabylatyn materıaldar men málimetterdi ýaqtyly usynady;
- memlekettik qyzmetshiniń tártiptik jaýapkershiligi máselesin jan-jaqty jáne obektıvti qaraý úshin ózge de járdem kórsetedi.
Memlekettik ákimshilik qyzmetshiniń tártiptik teris qylyǵy boıynsha qyzmettik tergep-tekserý memlekettik qyzmetshi teris qylyq jasaǵan kezde laýazymdy atqarǵan memlekettik organnyń ýákiletti adamynyń aktisimen taǵaıyndalady.
Qyzmettik tergep-tekserýdi taǵaıyndaý týraly jáne memlekettik ákimshilik qyzmetshiniń tártiptik teris qylyqtary týraly málimetter qyzmettik tergep-tekserý taǵaıyndalǵan kúnnen bastap úsh jumys kúni ishinde memlekettik ákimshilik qyzmetshi laýazymdy atqaratyn memlekettik organnyń ýákiletti adamyna habarlanady.
Qyzmettik tergep-tekserý materıaldaryn memlekettik qyzmetshi teris qylyq jasaǵan kezde memlekettik ákimshilik laýazymdy atqarǵan memlekettik organnyń komıssııasy qaraıdy jáne tártiptik jaza qoldaný týraly usynym shyǵarylǵan jaǵdaıda, memlekettik qyzmetshi teris qylyq jasaǵan kezde laýazymdy atqarǵan memlekettik organnyń ýákiletti adamy bes jumys kúni ishinde memlekettik qyzmetshiniń sońǵy jumys orny boıynsha tıisti materıaldardy jiberedi.
Memlekettik ákimshilik qyzmetshige tártiptik jazany memlekettik organnyń ýákiletti adamy sońǵy atqaratyn laýazymy boıynsha tártiptik jaza qoldaný merzimderi sheginde qoldanady.
Ýákiletti adam basqa memlekettik organnan berilgen qyzmettik tergep-tekserý materıaldaryn jáne Komıssııanyń memlekettik ákimshilik qyzmetshiniń burynǵy memlekettik laýazymdaǵy tártiptik teris qylyqtary boıynsha tártiptik jaza qoldaný týraly usynymdaryn qaraǵan kezde qosymsha qyzmettik tergep-tekserýge materıaldar jiberilmeıdi.
Memlekettik qyzmet toqtatylǵan kúnge deıin alynbaǵan tártiptik jaza memlekettik ákimshilik qyzmetshi memlekettik qyzmet toqtatylǵan kúnnen bastap alynyp tastaldy dep esepteledi.
Memlekettik qyzmet isteri agenttigi túzetýler buzýshylyqtardyń aldyn alý jáne memlekettik qyzmetshilerdiń mindetterin tıisinshe oryndaý kepildikterin nyǵaıtýǵa baǵyttalǵanyn túsindirdi.
Jarlyq 19 mamyrdan bastap qoldanysqa engiziledi.
