جاڭالىقتار
ەلىمىزدە تۇرمىسى ناشار وتباسىنداعى بالالاردى اتا-اناسىنىڭ رۇقساتىنسىز تارتىپ الا ما — ماجىلىسمەندەر جاۋاپ بەردى
دەپۋتات جۇلدىز سۇلەيمەنوۆانىڭ ايتۋىنشا, ايەلدەر قۇقىعىن قورعاۋ جانە بالالاردىڭ قاۋىپسىزدىگىنە قاتىستى زاڭ جوباسىندا بالالاردى وتباسىنان الىپ كەتۋ تۋرالى نەمەسە كامەلەتكە تولماعاندار ءىسى بويىنشا سوت تورەلىگىنە قاتىستى بىردە-ءبىر نورما قاراستىرىلماعان.
«ويتكەنى ءبىز بالالاردىڭ وتباسىندا تاربيەلەنگەنىن, ەلىمىزدە جەتىم بالالارعا ارنالعان مەكەمەلەردىڭ جابىلعانىن قالايمىز. سوندىقتان بالالاردى وتباسىنان الىپ كەتۋ بۇل زاڭ جوبالارىندا قاراستىرىلماعان”, – دەدى دەپۋتات.
وقۋ-اعارتۋ ۆيتسە-ءمينيسترى ەدىل وسپاننىڭ سوزىنشە, باسقا دا زاڭ جوبالارىندا بالالاردى وتباسىنان تارتىپ الۋ ماسەلەسى قاراستىرىلماعان. بۇل ماسەلە مينيسترلىكتە كوتەرىلمەيدى. الەۋمەتتىك جەلىدە وتباسىنان بالالاردى تارتىپ الۋعا قاتىستى تاراعان اقپاراتتىڭ ءبارى جالعان دەيدى.
