ەلوردادا «قايقايا شاپقان قاراگەر» اتتى تەاترلاندىرىلعان قويىلىم وتەدى

20 مامىر كۇنى نۇر-سۇلتان قالاسىندا وسپان باتىر يسلام ۇلىنىڭ تۋعانىنا 120 جىل تولۋىنا وراي «قايقايا شاپقان قاراگەر» اتتى مۋزىكالىق-تەاترلاندىرىلعان قويىلىم وتەدى, دەپ حابارلايدى قازاقپارات ءتىلشىسى. قايمانا قازاقتىڭ حاس باتىرى وسپان يسلام ۇلىنىڭ (1899-1951) 120 جىلدىعىنا ارنالعان «قايقايا شاپقان قاراگەر» اتتى ەسكە الۋ كەشىن نۇر-سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسى ۇيىمداستىرىپ وتىر. دەمەۋشى – «ەر جانىبەك» حالىقارالىق قوعامدىق قورى. كەش 20 مامىر كۇنى, ساعات 19.00 -دە «استانا» كونتسەرت زالىندا وتەدى. كەش اياسىندا ە. توقسابانوۆتىڭ «قايقايا شاپقان قاراگەر», ت. ءجاحيننىڭ «بابالار مەكەنى – التاي», «وسپان باتىر», ع. قابيبەك ۇلىنىڭ «وسپان باتىردىڭ سوڭعى ءسوزى», حالىق ريزابەكتىڭ «سۇلۋباي ارمان», ە. زەيىپحاننىڭ «كوك تۋدىڭ جەلبىرەگەنى», سۇلۋبايدىڭ «سۇلۋباي», بۇركىتبايدىڭ «وي, عايشا» سىندى تۋىندىلارمەن بىرگە «كوزىڭنىڭ ءمولدىرىن-اي», «اعاجاي التاي», «ەلىك-اي, اتتەڭ, شىركىن», «كەربەزىم-اي», «قايران, التاي, مارقاكول» سياقتى حالىق اندەرى تارتۋ ەتىلەدى. كەشكە قازاقستاننىڭ ەڭبەك سىڭىرگەن قايراتكەرلەرى كلارا تولەنباەۆا, ايگۇل قوسانوۆا, گۇلزيرا بوكەيحان, ەرلان رىسقالي, يبراگيم ەسكەندىر سەكىلدى ەسترادا جۇلدىزدارى مەن «سارىارقا» حالىق مۋزىكا ءانسامبلى, «الەم» ەسترادا بي ءانسامبلى, «قاللەكي» تەاترىنىڭ اكتەرلەرى قاتىسادى.