ەلوردالىق عالىم قانت ديابەتىن ەرتە انىقتاۋدىڭ جاڭا ءتاسىلىن ويلاپ تاپتى

قانت ديابەتىن ادامنىڭ تىنىس الۋى ارقىلى بىلۋگە بولادى. ەلوردالىق عالىم كۇردەلى دەرتتى ەرتە انىقتاۋدىڭ جاڭا ءتاسىلىن ويلاپ تاپتى. امانجول تۇرلىبەك ۇلى بۇل عىلىمي جوبا جىلدىڭ سوڭىنا قاراي اياقتالادى دەپ وتىر.

امانجول تۇرلىبەكتىڭ ايتۋىنشا, ديابەتكە شالدىققان ازاماتتاردىڭ اس قورىتۋ جۇيەسى بۇزىلادى. ءتيىستى گارموندار بولىنبەيدى. سالدارىنان ادامنىڭ دەم الىسى وزگەرەدى, اۋزىنان اتسەتون ءيىسى شىعادى. ال وسى ەكى ەرەكشەلىك ارقىلى قۇرىلعى ديابەتتىڭ بار-جوعىن انىقتايدى. عىلىمي جوبا ويداعىداي اياقتالسا, سمارت ساعاتتار ارقىلى قولدانۋعا بولادى.

امانجول تۇرلىبەك ۇلى, عالىم:

مەنىڭ جوسپارلاۋىم بويىنشا بۇل قۇرال بارلىق ادامدارعا قولدانۋعا بولاتىن بولادى, سەبەبى قان تالداماسىن جۇرگىزۋ جانە دە باسقا مەديتسينالىق تالداۋ قاجەت بولمايدى تەك دەم ارقىلى عانا. قۇرالدى ازىرلەۋ وسى 2024 جىلدىڭ اياعىنا دەيىن جوسپارلانعان.

ەلوردالىق تاعى ءبىر عالىم باحتيار اجكەننىڭ جاڭالىعى وبىر اۋرۋىمەن بايلانىستى. وڭەشتىڭ قاتەرلى ىسىگىنە شالدىققان ازاماتتارعا تاجىريبە جاساي كەلە, 15 ادامنىڭ 14-ىنەن اۋىز قۋىسى توڭىرەگىنەن بورتپەلەر بايقاعان. گەرپەس پەن وبىردىڭ بايلانىسىن ءالى دە زەرتتەپ كەلەدى. زەرتتەۋدىڭ كەلەسى كەزەڭىنە دە كوشكەن.

باحتيار اجكەن, عالىم:

قازاقستاندا بۇل زەرتتەۋ جۇمىسىن العاش رەت وتكىزىپ جاتىرمىز. گەرپەس ۆيرۋسىن وڭەش وبىرىنا شالدىققان ازاماتتاردىڭ 93 پايىزىنان انىقتادىق. ەندىگى ماقسات ەگەر بورتپەلەردى فارموكاتەراپيا ارقىلى ەمدەسەك, ونكولوگيانى دا جازا الامىز با دەگەن وي. عىلىم ناقتىلىقتى تالاپ ەتەدى. سوندىقتان, زەرتتەۋ جۇمىسى جالعاسادى.

ايدا احمەتبەك – ءتىلشى:

قازىر ەلىمىزدە عىلىمي زەرتتەۋمەن اينالىساتىن 400-دەن اسا ورتالىق بار. ۇلتتىق ستاتيستيكا بيۋروسىنىڭ مالىمەتىنشە, 30 مىڭعا جۋىق ادام عىلىممەن اينالىسادى. ونىڭ ۇشتەن ءبىرىنىڭ عىلىمي دارەجەسى بار. «ماقسات ورتاق – ەكونوميكالىق دامۋ. وعان عىلىمسىز جەتۋ ەكىتالاي», — دەيدى ماماندار.