Elordalyq ǵalym qant dıabetin erte anyqtaýdyń jańa tásilin oılap tapty

Qant dıabetin adamnyń tynys alýy arqyly bilýge bolady. Elordalyq ǵalym kúrdeli dertti erte anyqtaýdyń jańa tásilin oılap tapty. Amanjol Turlybekuly bul ǵylymı joba jyldyń sońyna qaraı aıaqtalady dep otyr.

Amanjol Turlybektiń aıtýynsha, dıabetke shaldyqqan azamattardyń as qorytý júıesi buzylady. Tıisti garmondar bólinbeıdi. Saldarynan adamnyń dem alysy ózgeredi, aýzynan aeton ıisi shyǵady. Al osy eki erekshelik arqyly qurylǵy dıabettiń bar-joǵyn anyqtaıdy. Ǵylymı joba oıdaǵydaı aıaqtalsa, smart saǵattar arqyly qoldanýǵa bolady.

Amanjol Turlybekuly, ǵalym:

Meniń josparlaýym boıynsha bul qural barlyq adamdarǵa qoldanýǵa bolatyn bolady, sebebi qan taldamasyn júrgizý jáne de basqa medıınalyq taldaý qajet bolmaıdy tek dem arqyly ǵana. Quraldy ázirleý osy 2024 jyldyń aıaǵyna deıin josparlanǵan.

Elordalyq taǵy bir ǵalym Bahtııar Ajkenniń jańalyǵy obyr aýrýymen baılanysty. О́ńeshtiń qaterli isigine shaldyqqan azamattarǵa tájirıbe jasaı kele, 15 adamnyń 14-inen aýyz qýysy tóńireginen bórtpeler baıqaǵan. Gerpes pen obyrdyń baılanysyn áli de zerttep keledi. Zertteýdiń kelesi kezeńine de kóshken.

Bahtııar Ajken, ǵalym:

Qazaqstanda bul zertteý jumysyn alǵash ret ótkizip jatyrmyz. Gerpes vırýsyn óńesh obyryna shaldyqqan azamattardyń 93 paıyzynan anyqtadyq. Endigi maqsat eger bórtpelerdi farmokaterapııa arqyly emdesek, onkologııany da jaza alamyz ba degen oı. Ǵylym naqtylyqty talap etedi. Sondyqtan, zertteý jumysy jalǵasady.

Aıda Ahmetbek – tilshi:

Qazir elimizde ǵylymı zertteýmen aınalysatyn 400-den asa ortalyq bar. Ulttyq statıstıka bıýrosynyń málimetinshe, 30 myńǵa jýyq adam ǵylymmen aınalysady. Onyń úshten biriniń ǵylymı dárejesi bar. «Maqsat ortaq – ekonomıkalyq damý. Oǵan ǵylymsyz jetý ekitalaı», — deıdi mamandar.