ەسىرتكى ترافيگىمەن اينالىسقاندار ءۇشىن جازا قاتايتىلادى

ەلدە ەسىرتكىگە قاتىستى ءاربىر ءۇشىنشى قىلمىس ينتەرنەت ارقىلى جاسالادى. جىل باسىنان بەرى ونىڭ ۇلەسى 160-تان اسقان. ىشكى ىستەر مينيسترلىگىنىڭ رەسمي وكىلى ەسىرتكى بويىنشا قۇقىق بۇزۋشىلىقتار 2063-كە جەتكەنىن ايتادى. 4 ۇيىمداسقان قىلمىستىق توپ جويىلدى.

ونىڭ بىرەۋى ترانسۇلتتىق سيپاتقا يە. ەلدە ەسىرتكىنى ءوندىرۋ جانە تاراتۋ ادىستەرى دە سان قۇبىلىپ تۇر. اككى قىلمىسكەرلەر عىلىمي-تەحنيكالىق پروگرەستىڭ مۇمكىندىكتەرىن شەبەر قولدانا باستاعان. قازىر ءماجىلىس اسەرى كۇشتى زاتتاردىڭ زاڭسىز اينالىمى ءۇشىن جاۋاپكەرشىلىكتى قاتاڭداتۋدى كوزدەيتىن زاڭ جوباسىن قاراپ جاتىر. بۇعان تۇنگى كلۋبتاردا كەزدەسەتىن «كوڭىلدەندىرەتىن گازدى» جاتقىزۋعا بولادى. ال «ناشاقورلىق جانە ەسىرتكى بيزنەسىنە قارسى كۇرەستىڭ كەشەندى جوسپارى» اياسىندا انىقتالعان سينتەتيكالىق پرەپاراتتاردىڭ كولەمى ارتقان.

جىل باسىنان 225 كەلىسى تاركىلەنگەن. بىلتىر ونىڭ جالپى ۇلەسى 1 تونناعا جۋىقتادى. 16 ەسىرتكى زەرتحاناسى انىقتالدى. جەلىدەگى بەلسەندىلىكتى «كيبەرنادزور» اقپاراتتىق جۇيەسى دەرەۋ انىقتاپ جاتىر. وسىلايشا جىل باسىنان بەرى ەسىرتكى ساۋداسى تۋرالى اقپارات تاراتقان مىڭعا جۋىق سايت بۇعاتتالدى. شىڭعىس الەكەشەۆ, ءىىم رەسمي وكىلى: — ينتەرنەت ارقىلى جاسالاتىن ەسىرتكى ديلەرلىگىنە قارسى كۇرەس, كۇرەسكە ەرەكشە نازار اۋدارىپ وتىرمىز. بىزدە قازىر كيبەرنادزور دەگەن اقپاراتتىق جۇيە قوسىلعان. ونىڭ كومەگىمەن ەسىرتكى سايتتارىن انىقتاپ, ولاردى بۇعاتتاۋ ءۇشىن مادەنيەت جانە اقپارات مينيسترلىگىنە ءتيىستى اقپارات جىبەرىپ وتىرمىز. ءۇش ايدىڭ ىشىندە ەسىرتكىنىڭ تارالۋى تۋرالى اقپاراتى بار مىڭعا جۋىق سايت انىقتالىپ, بۇعاتتالدى. سونداي-اق ەسىرتكى تاراتاتىن ينتەرنەت دۇكەندەردى انىقتاۋ ءۇشىن تەلەگرامم بوت قوسىلدى بىزدە. وعان ەكى مىڭنان استام قىزمەتكەر قوسىلدى. قازىردىڭ وزىندە 52 ءىرى ينتەرنەت دۇكەن جانە سونداق-اق اۋديتورياسى 75 مىڭنان استام قولدانۋشىسى بار 37 انىقتالىپ, جويىلىپ وتىر.