ESIRTKI TRAFIGIMEN AINALYSQANDAR ÚShIN JAZA QATAITYLADY

Elde esirtkige qatysty árbir úshinshi qylmys ınternet arqyly jasalady. Jyl basynan beri onyń úlesi 160-tan asqan. Ishki ister mınıstrliginiń resmı ókili esirtki boıynsha quqyq buzýshylyqtar 2063-ke jetkenin aıtady. 4 uıymdasqan qylmystyq top joıyldy.

Onyń bireýi transulttyq sıpatqa ıe. Elde esirtkini óndirý jáne taratý ádisteri de san qubylyp tur. Ákki qylmyskerler ǵylymı-tehnıkalyq progrestiń múmkindikterin sheber qoldana bastaǵan. Qazir májilis áseri kúshti zattardyń zańsyz aınalymy úshin jaýapkershilikti qatańdatýdy kózdeıtin zań jobasyn qarap jatyr. Buǵan túngi klýbtarda kezdesetin «kóńildendiretin gazdy» jatqyzýǵa bolady. Al «Nashaqorlyq jáne esirtki bıznesine qarsy kúrestiń keshendi jospary» aıasynda anyqtalǵan sıntetıkalyq preparattardyń kólemi artqan.

Jyl basynan 225 kelisi tárkilengen. Byltyr onyń jalpy úlesi 1 tonnaǵa jýyqtady. 16 esirtki zerthanasy anyqtaldy. Jelidegi belsendilikti «Kıbernadzor» aqparattyq júıesi dereý anyqtap jatyr. Osylaısha jyl basynan beri esirtki saýdasy týraly aqparat taratqan myńǵa jýyq saıt buǵattaldy. Shyńǵys Alekeshev, IIM resmı ókili: — Internet arqyly jasalatyn esirtki dılerligine qarsy kúres, kúreske erekshe nazar aýdaryp otyrmyz. Bizde qazir kıbernadzor degen aqparattyq júıe qosylǵan. Onyń kómegimen esirtki saıttaryn anyqtap, olardy buǵattaý úshin Mádenıet jáne aqparat mınıstrligine tıisti aqparat jiberip otyrmyz. Úsh aıdyń ishinde esirtkiniń taralýy týraly aqparaty bar myńǵa jýyq saıt anyqtalyp, buǵattaldy. Sondaı-aq esirtki taratatyn ınternet dúkenderdi anyqtaý úshin telegramm bot qosyldy bizde. Oǵan eki myńnan astam qyzmetker qosyldy. Qazirdiń ózinde 52 iri ınternet dúken jáne sondaq-aq aýdıtorııasy 75 myńnan astam qoldanýshysy bar 37 anyqtalyp, joıylyp otyr.