Gazada taǵy bes jýrnalıst qaza tapty

Izraıldiń Gaza sektoryndaǵy Naser aýrýhanasynyń mańyna jasaǵan áýe soqqysy saldarynan 20 adam qaza tapty. Olardyń arasynda halyqaralyq BAQ-ta qyzmet etken 5 jýrnalıst bar, dep habarlaıdy Qandastar.kz

Agenttiktiń málimetinshe, qaza bolǵandardyń qatarynda Reuters agenttiginiń operatory Hýsam ál-Masrı, Associated Press-tiń jýrnalısi Marıam Dagga, sondaı-aq Al Jazeera-da jumys istegen Mýhammed Salame, fotograf Mýath Abý Taha jáne Ahmad Abý Azız bar.

Al Jazeera, Reuters jáne Associated Press agenttikteri qyzmetkerleriniń ólimine baılanysty qaraly kúıde ekenin bildirdi.

Izraıl áskeri (AHAL) Naser aýrýhanasynyń mańyna soqqy jasaǵanyn rastady.

«AHAL jýrnalısterdi nysanaǵa almaıdy jáne beıbit turǵyndarǵa keletin zalaldy barynsha azaıtýǵa tyrysady. Áskerılerdiń qaýipsizdigin qamtamasyz etý úshin osyndaı sharalar qabyldandy», – dep málimdeme jasady Izraıl ókilderi.