جاڭالىقتار
گەرمانيانىڭ گامبۋرگ ۆوكزالىندا ايەل ادام پىشاقپەن 12 ادامدى جاراقاتتاعان
گامبۋرگ قالاسىنىڭ ورتالىق ۆوكزالىندا پىشاقپەن جاسالعان شابۋىل سالدارىنان 12 ادام زارداپ شەكتى, دەپ حابارلادى qandastar.kz اقپاراتتىق پورتالى Bild باسىلىمىنا سىلتەمە جاساپ.
باسىلىمنىڭ مالىمەتىنشە, زارداپ شەككەندەردىڭ كەيبىرىنىڭ جاعدايى اۋىر. گەرمانيانىڭ فەدەرالدى پوليتسياسى كۇدىكتى ايەلدى ۇستاعان. گامبۋرگ پوليتسياسى قالانىڭ باستى تەمىرجول ۆوكزالىندا پىشاقپەن شابۋىل بولعانىن راستادى.
«كۇدىكتى پوليتسيا تاراپىنان ۇستالدى», – دەپ حابارلادى جەرگىلىكتى قۇقىق قورعاۋ ورگاندارى.
فەدەرالدى پوليتسيانىڭ دەرەگىنە سايكەس, وقيعا جەرگىلىكتى ۋاقىتپەن ساعات 18:00 شاماسىندا 13-ءشى جانە 14-ءشى جولاق اراسىنداعى پلاتفورمادا بولعان.
العاشىندا سەگىز ادام زارداپ شەكتى دەلىنگەن.
قازىرگى ۋاقىتتا گامبۋرگتىڭ باستى ۆوكزالىندا پويىز قوزعالىسى توقتاتىلعان. جاقىن ماڭداعى كوشەلەر جابىلدى. وقيعا ورنىندا كوپتەگەن پوليتسيا قىزمەتكەرلەرى مەن شۇعىل قىزمەت وكىلدەرى جۇمىس ىستەۋدە.
