ءبىلىم
گرانت الا الماعان تالاپكەرلەرگە قوسىمشا 10 مىڭ گرانت بولىنەدى: مينيسترلىك اقپاراتتى جوققا شىعاردى
فوتو: facebook.com/sayasat
عىلىم جانە جوعارى ءبىلىم مينيسترلىگى گرانت الا الماعان تالاپكەرلەرگە قوسىمشا 10 مىڭ گرانت بولىنەدى دەگەن اقپاراتتى جوققا شىعاردى. بۇل تۋرالى Qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
بۇعان دەيىن الەۋمەتتىك جەلىلەر مەن باق-تا بيىلعى تۇلەكتەرگە قوسىمشا 10 مىڭ گرانت بولىنگەنى تۋرالى اقپارات تاراعان ەدى. اقپاراتقا قاتىستى عىلىم جانە جوعارى ءبىلىم مينيسترلىگى پىكىر ءبىلدىردى.
“بۇل اقپاراتتىڭ شىندىققا جاناسپايتىنىن رەسمي تۇردە مالىمدەيمىز. بۇل جاڭالىق ءمينيستردىڭ 6 تامىزداعى سوزىنە نەگىزدەلگەن. ياعني, ول كەزدە اكىمدەردىڭ, جوعارى وقۋ ورىندارىنىڭ, جەكە قورلاردىڭ گرانتتارى ارقىلى گرانت يەگەرلەرىنىڭ تىزىمىنە ەنبەگەن تالاپكەرلەرگە قوسىمشا تەگىن ءبىلىم الۋ مۇمكىندىگىن بەرۋ تۋرالى اقپارات ايتىلعان», – دەلىنگەن مينيسترلىك حابارلاماسىندا.
قازىر وسى 10 مىڭ گرانتتىڭ 2,5 مىڭنان استامى اكىمدەردىڭ, تاعى مىڭنان استامى جوعارى وقۋ ورىندارىنىڭ اتىنان تالاپكەرلەرگە بەرىلگەن. قالعان گرانتتاردى «قازاقستان حالقىنا» قورى, سونداي-اق جەكە كومپانيالار قاراۋ ۇستىندە.
مينيسترلىك 25 تامىزدان كەيىن بوساتىلعان گرانتتاردىڭ سانى بەلگىلى بولاتىنىن اتاپ ءوتتى. بۇل گرانتتار دا تالاپكەرلەر اراسىندا بولىنەدى.
ەسكە سالساق, بۇعان دەيىن قازاقستاندا ۇبت-دا 100-دەن جوعارى بالل جيناسا دا, گرانتقا تۇسە الماعاندارعا قوسىمشا 10 مىڭ گرانت بولىنەتىنى تۋرالى جازعان ەدىك.
