Grant ala almaǵan talapkerlerge qosymsha 10 myń grant bólinedi: Mınıstrlik aqparatty joqqa shyǵardy

Foto: facebook.com/sayasat

Ǵylym jáne joǵary bilim mınıstrligi grant ala almaǵan talapkerlerge qosymsha 10 myń grant bólinedi degen aqparatty joqqa shyǵardy. Bul týraly Qandastar.kz Stan.kz aqparat agenttigine silteme jasap habarlaıdy.

Buǵan deıin áleýmettik jeliler men BAQ-ta bıylǵy túlekterge qosymsha 10 myń grant bólingeni týraly aqparat taraǵan edi. Aqparatqa qatysty ǵylym jáne joǵary bilim mınıstrligi pikir bildirdi.

“Bul aqparattyń shyndyqqa janaspaıtynyn resmı túrde málimdeımiz. Bul jańalyq mınıstrdiń 6 tamyzdaǵy sózine negizdelgen. Iaǵnı, ol kezde ákimderdiń, joǵary oqý oryndarynyń, jeke qorlardyń granttary arqyly grant ıegerleriniń tizimine enbegen talapkerlerge qosymsha tegin bilim alý múmkindigin berý týraly aqparat aıtylǵan», – delingen mınıstrlik habarlamasynda.

Qazir osy 10 myń granttyń 2,5 myńnan astamy ákimderdiń, taǵy myńnan astamy joǵary oqý oryndarynyń atynan talapkerlerge berilgen. Qalǵan granttardy «Qazaqstan halqyna» qory, sondaı-aq jeke kompanııalar qaraý ústinde.

Mınıstrlik 25 tamyzdan keıin bosatylǵan granttardyń sany belgili bolatynyn atap ótti. Bul granttar da talapkerler arasynda bólinedi.

Eske salsaq, buǵan deıin Qazaqstanda UBT-da 100-den joǵary ball jınasa da, grantqa túse almaǵandarǵa qosymsha 10 myń grant bólinetini týraly jazǵan edik.