«ينتەللەكتۋالدىق ءبىلىمى جوق»: يسرايل ساپارباي شاحانوۆ تۋرالى پىكىرىن ايتتى

فوتو:7-su.kz

تانىمال اقىن يسرايل ساپارباي  «سويقان سۇحبات» youtube-ارناسىنا سۇحبات بەردى. سۇحباتىندا ول اقىن مۇحتار شاحانوۆ شىعارماشىلىعى تۋرالى ويىن ايتتى دەپ جازدى inbusiness.kz .

«ەكەۋمىز قۇرداسپىز. ول كەزىندە شامشىمەن, تولەگەن ايبەرگەنوۆ, سابىرحان اسانوۆپەن بىرگە ءجۇردى. وقۋعا تۇسكەن كەزىمدە ول مەن وقيتىن شىمكەنتتەگى پەداگوگيكالىق ينستيتۋتقا سىرتتاي وقۋعا قۇجات تاپسىردى. بارىپ وقىعان جوق. نەگە ەكەنىن بىلمەيمىن. ال مەن بارىپ وقىدىم. ەكەۋى ەكى بولەك نارسە. ول ەرتە ەسەيدى. بىراق اقىن بولۋ ءۇشىن اللادان تالانت بەرىلۋ كەرەك. پەداگوگيكالىق ينستيتۋتتىڭ ءوزىن 4-5 جىل وقىپ بىتىرگەن اداممىن. ال ول سىرتتاي ءبىتىردى. ءبىر كۇنى رەكتورمەن جينالىستا مۇحتار شاحانوۆتىڭ 25 پاننەن قارىزى بار ەكەنىن ءبىلدىم. وقۋعا تاپسىرعانىمەن ەشقانداي سەسسياعا كەلمەگەن. «مۇحتار شاحانوۆ بىردە ءبىر سەسسياعا كەلمەدى, وقۋدان شىعارىپ جىبەرەيىك» دەدى رەكتور.  سول كەزدە مۇعالىمدەر قورعاپ, «ەرتەڭى بار ازامات, بىزگە ماقتانىش بولادى» دەپ الىپ قالدى. ول كەزدە مەن ءمان بەرگەن جوقپىن.

وقۋ بىتىرمەسە دە ديپلومدى وعان وتىرىك بەرۋى مۇمكىن ەكەنىن ايتقان اقىن ءوزى ءبىلىم الىپ, وقىعانىن جەتكىزدى. سونداي-اق اقىننىڭ سوزىنشە, شاحانوۆتىڭ ينتەللەكتۋالدىق ءبىلىمى جوق.

«شاحانوۆتىڭ ينتەللەكتۋالدىق ءبىلىمى جوق. 1000 جەردەن تالانت بولعانمەنەن, ءبىلىم كەرەك. ول ماعان ءبىلىم جاعىنان تەڭ كەلە المايدى. تالاي رەت كوزىم جەتتى. مەن وتىرعان جەرگە شاحانوۆ وتىرا المايدى. سەبەبى ودان گورى مەنىڭ ءبىلىمىم مىقتى. بىراق مەن وعان «سەنەن ءبىلىمىم مىقتى» دەپ ايتا المايمىن, ۇيات بولادى. تۋا ءبىتتى اقىن بولعانىمەن, ينتەللەكتۋالدىق ءبىلىم كەرەك اقىنعا», – دەدى يسرايل ساپارباي.