Jańalyqtar
Irannan Qazaqstanǵa 53 qandas kóshirilip ákeldi
Qazaqstan Irannan 53 qandasty kóshirip ákeldi. Olar mingen ushaq Aqtaý qalasyna 15 qyrkúıekte tańerteń qondy. Bul týraly Mańǵystaý oblysynyń baspasóz qyzmeti habarlady.
«Iran ıslam respýblıkasynyń Gorgan qalasynan 53 adam Qazaqstanǵa qonys aýdardy. Olar Aqtaý qalasynda 2-3 kún aıaldap, qujattaryn retteıdi. Jataqhanaǵa ornalastyramyz. Qujattaryn retteý jumystary aıaqtalǵannan soń Nur-Sultan qalasyna attanady. Keıin kóshi-qon baǵdarlamasy arqyly Soltústik Qazaqstan óńirine qonystanady» dedi Aqtaý qalasy ákiminiń orynbasary Ábilqaıyr Baıpaqov.
Qazaqstanǵa barlyǵy 20 otbasy kelgen. 53 adamnyń 25-i – bala.
Resmı málimet boıynsha, Qazaqstanda jyl basynan beri 12 501 adam tarıhı otanyna oralyp, qandas mártebesin alǵan. 1991 jyldan beri elge 1 mln. 82,8 myń etnıkalyq qazaq oralǵan.
