جاڭالىقتار
قاي داۋىرگە جاتاتىنى بەلگىسىز: اقمولادا ادامنىڭ بەينەسى قاشالعان ەرەكشە تاس تابىلدى
فوتو: اشىق دەرەككوز
تاسقا قاشالىپ جاسالعان ەرەكشە جادىگەر اقمولا وبلىسىنان تابىلدى. دالىرەك ايتقاندا ساندىقتاۋ اۋدانى توتەنشە جاعدايلار ءبولىمىنىڭ قىزمەتكەرلەرى «ورمان» پروفيلاكتيكالىق ءىس-شاراسى كەزىندە تاپتى, دەپ حابارلايدى qandastar.kz.
قۇتقارۋشىلار دەرەۋ تابىلعان زات تۋرالى اقمولا وبلىسىنىڭ توتەنشە جاعدايلار دەپارتامەنتى مەن تاريحي-ولكەتانۋ مۇراجايىنا حابارلاعان. بۇدان بولەك بۇل ارتەفاكتىگە استانالىق عالىمداردان بولەك شەتەلدىك عالىمداردىڭ دا قىزىعۋشىلىق تۋدىرعانى بەلگىلى بولدى.
ازىرگە ەجەلگى ءمۇسىنشىنىڭ جۇمىسى قاي داۋىرگە جاتاتىنىن عالىمدار اشىپ ايتقان جوق. ءتۇرلى پىكىر ايتىپ جاتىر. بىرەۋلەر بۇل تاستى قولا داۋىرىنە, ەندى بىرەۋلەر ونى كەيىنگى تۇركى داۋىرىنە جاتقىزادى. كەي عالىمداردىڭ ايتۋىنشا, بۇل تاستىڭ سىبىردەن تابىلعان ولجالارمەن ۇقساستىقتارى بار. ءبىر نارسە عانا انىق: ونىڭ تاريحي قۇندىلىعى زور.
اقمولا وبلىسىندا تابىلعان بۇل كونە ارتەفاكت تاريحي قۇندى دۇنيە دەپ باعالانعاندىقتان مەملەكەتتىك قورعاۋعا الىندى.
