قايتا قىلمىس جاساعاندار العاش رەت سوتتالعاندارمەن ءبىر تۇرمەدە وتىرمايدى

بۇدان بىلاي قايتا قىلمىس جاساعاندار جەكەلەگەن اباقتىعا قامالادى. قۇزىرلى ورگان 6 مىڭعا جۋىق سوتتالۋشىنى وسىنداي تۇرمەگە كوشىرگەن. بۇل تۋرالى ادام قۇقىقتارى جونىندەگى كوميسسيانىڭ وتىرىسىندا ايتىلدى
دەمەك, ەندى ولار العاش رەت قامالعان ازاماتتارمەن تۇيىسپەيدى. مۇنداي ۇسىنىستى ادام قۇقىقتارى جونىندەگى كەڭەس مۇشەلەرى بەرگەن.
ء«بىرىنشى رەت سوتتالعاندار مەن تۇرمەگە قايتا تۇسكەن ازاماتتاردىڭ جازالاۋ ورىندارىن بولۋگە قاتىستى ۇسىنىس قارالدى. بۇل 80 پايىز قىلمىسكەردى تۇرعىلىقتى جەرىنە ورنالاستىرۋعا مۇمكىندىك بەرەدى. بۇدان بىلاي جازا باسىپ, ءبىرىنشى رەت تۇرمەگە تۇسكەندەر قاۋىپسىزدىگى ورتاشا دەڭگەيدەگى اباقتىعا جابىلادى. ال بۇرىن ءىستى بولعاندار قاۋىپسىزدىگى قاتاڭ ساقتالاتىن مەكەمەلەردە جازاسىن وتەيدى», – دەيدى ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ.
ادام قۇقىقتارى جونىندەگى كەڭەس مۇشەلەرى باس-اياعى 200-گە جۋىق نورما ۇسىنعان. سونىڭ ءبىرى تۇتقىنداردى جۇمىسقا ورنالاستىرۋ ماسەلەسى.
ىشكى ىستەر مينيسترلىگىنىڭ اقپاراتىنشا, قازىر تۇرمەدە وتىرعان وتانداستارىمىزدىڭ جارتىسىنا جۋىعى جۇمىسپەن قامتىلدى. ودان بولەك سوڭعى ونجىلدىقتا العاش رەت ارنايى كولىك, تەكسەرۋ كەشەنى مەن ۇيالى بايلانىستى تەجەيتىن اپپاراتتار ساتىپ الۋ جوسپارلانىپ وتىر.