Jańalyqtar
Qaıta qylmys jasaǵandar alǵash ret sottalǵandarmen bir túrmede otyrmaıdy
![](https://qandastar.kz/wp-content/uploads/2024/02/IMG_3570-780x405.jpeg)
Budan bylaı qaıta qylmys jasaǵandar jekelegen abaqtyǵa qamalady. Quzyrly organ 6 myńǵa jýyq sottalýshyny osyndaı túrmege kóshirgen. Bul týraly Adam quqyqtary jónindegi komıssııanyń otyrysynda aıtyldy
Demek, endi olar alǵash ret qamalǵan azamattarmen túıispeıdi. Mundaı usynysty adam quqyqtary jónindegi keńes músheleri bergen.
«Birinshi ret sottalǵandar men túrmege qaıta túsken azamattardyń jazalaý oryndaryn bólýge qatysty usynys qaraldy. Bul 80 paıyz qylmyskerdi turǵylyqty jerine ornalastyrýǵa múmkindik beredi. Budan bylaı jaza basyp, birinshi ret túrmege túskender qaýipsizdigi ortasha deńgeıdegi abaqtyǵa jabylady. Al buryn isti bolǵandar qaýipsizdigi qatań saqtalatyn mekemelerde jazasyn óteıdi», – deıdi ishki ister mınıstriniń birinshi orynbasary Marat Qojaev.
Adam quqyqtary jónindegi keńes músheleri bas-aıaǵy 200-ge jýyq norma usynǵan. Sonyń biri tutqyndardy jumysqa ornalastyrý máselesi.
Ishki ister mınıstrliginiń aqparatynsha, qazir túrmede otyrǵan otandastarymyzdyń jartysyna jýyǵy jumyspen qamtyldy. Odan bólek sońǵy onjyldyqta alǵash ret arnaıy kólik, tekserý kesheni men uıaly baılanysty tejeıtin apparattar satyp alý josparlanyp otyr.