«قانداس» مارتەبەسىن العان 12 مىڭنان استام ەتنيكالىق قازاقتىڭ جارتىسىنان كوبى وزبەكستاننان كەلگەن

تاريحي وتانىنا ورالعان 12 مىڭنان استام ەتنيكالىق قازاق «قانداس» مارتەبەسىن الدى. 1 قىركۇيەكتەگى مالىمەت بويىنشا 12 501 ادام وتانعا ورالىپ, ولارعا قانداس مارتەبەسى رەسمي تۇردە بەرىلگەن, دەپ حابارلادى 31 ارنانىڭ ينفورمبيۋرو اقپاراتتىق باعدارلاماسى.

كوشىپ كەلگەندەردىڭ جارتىسىنان كوبى وزبەكستاندا تۇرعان. سونداي-اق, قىتاي, تۇركمەنستان, موڭعوليادان دا ورالعاندار كوپ. قانداستاردىڭ باسىم بولىگى الماتى, ماڭعىستاۋ, تۇركىستان, جامبىل وبلىستارىنا جانە شىمكەنتكە قونىستانعان.

ايتا كەتەيىك, قىركۇيەكتەن باستاپ قانداستار ءۇشىن قازاقستان ازاماتتىعىن راسىمدەۋ بويىنشا مەملەكەتتىك قىزمەتتەردى الۋ ءتارتىبى جەڭىلدەتىلدى.

ء«بىر ءوتىنىش» قاعيداتى بويىنشا قىزمەت كورسەتۋ مەرزىمدەرى:

• قانداس مارتەبەسىن بەرۋ نەمەسە ۇزارتۋ – 4 جۇمىس كۇنى;
• قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ – 14 جۇمىس كۇنى;
• شەتەلدىكتەر مەن ازاماتتىعى جوق ادامدارعا قازاقستان رەسپۋبليكاسىندا تۇراقتى تۇرۋعا رۇقسات بەرۋ – 45 كۇنتىزبەلىك كۇن;
• قازاقستان رەسپۋبليكاسىنىڭ ازاماتتىعىن الۋدى, قالپىنا كەلتىرۋدى جانە ودان شىعۋدى تىركەۋ – 30 جۇمىس كۇنى.

قۇجاتتاردى قابىلداۋ كۇنى مەملەكەتتىك قىزمەت كورسەتۋ مەرزىمىنە كىرمەيدى.