«Qandas» mártebesin alǵan 12 myńnan astam etnıkalyq qazaqtyń jartysynan kóbi О́zbekstannan kelgen

Tarıhı otanyna oralǵan 12 myńnan astam etnıkalyq qazaq «qandas» mártebesin aldy. 1 qyrkúıektegi málimet boıynsha 12 501 adam otanǵa oralyp, olarǵa qandas mártebesi resmı túrde berilgen, dep habarlady 31 arnanyń Informbıýro aqparattyq baǵdarlamasy.

Kóship kelgenderdiń jartysynan kóbi О́zbekstanda turǵan. Sondaı-aq, Qytaı, Túrkmenstan, Mońǵolııadan da oralǵandar kóp. Qandastardyń basym bóligi Almaty, Mańǵystaý, Túrkistan, Jambyl oblystaryna jáne Shymkentke qonystanǵan.

Aıta keteıik, qyrkúıekten bastap qandastar úshin Qazaqstan azamattyǵyn rásimdeý boıynsha memlekettik qyzmetterdi alý tártibi jeńildetildi.

«Bir ótinish» qaǵıdaty boıynsha qyzmet kórsetý merzimderi:

• qandas mártebesin berý nemese uzartý – 4 jumys kúni;
• qandastar men qonys aýdarýshylardy qabyldaýdyń óńirlik kvotasyna engizý – 14 jumys kúni;
• sheteldikter men azamattyǵy joq adamdarǵa Qazaqstan Respýblıkasynda turaqty turýǵa ruqsat berý – 45 kúntizbelik kún;
• Qazaqstan Respýblıkasynyń azamattyǵyn alýdy, qalpyna keltirýdi jáne odan shyǵýdy tirkeý – 30 jumys kúni.

Qujattardy qabyldaý kúni memlekettik qyzmet kórsetý merzimine kirmeıdi.