جاڭالىقتار
قارىزىن قايتارا الماعانداردان جىنىستىق قاتىناس تالاپ ەتكەن: ارقالىقتا بلوگەر ۇستالدى
فوتو: پوليتسيا
ارقالىق قالاسىندا بلوگەر بىرنەشە قىلمىس جاسادى دەگەن كۇدىكپەن ۇستالدى, دەپ حابارلايدى qandastar.kz
Zakon.kz جازعانداي, 35 جاستاعى ەر ادامدى پوليتسيا زورلاۋ جانە جىنىستىق سيپاتتاعى ارەكەتتەر جاسادى دەگەن كۇدىكپەن جەدەل-ىزدەستىرۋ ءىس-شارالارىندا ۇستادى.
قوستاناي وبلىسىنىڭ gوليتسيا دەپارتامەنتى جابىرلەنۋشىلەر اراسىندا كامەلەتكە تولماعاندار جوق ەكەنىن حابارلادى.
«الدىن الا مالىمەتتەر بويىنشا, كەيبىر قۇرباندار ەر ادامنان قارىزعا اقشا العان جانە قارىزىن قايتارا الماعان كەزدە كۇدىكتى جىنىستىق قاتىناستى تالاپ ەتكەن. جابىرلەنۋشىلەر باس تارتقان كەزدە, ول ولاردىڭ ەركىنە قارسى ولارمەن جىنىستىق قاتىناسقا ءتۇستى», — دەپ حابارلادى پوليتسيا.
سوتتىڭ سانكتسياسى بويىنشا كۇدىكتى قاماۋعا الىندى.
قازىرگى ۋاقىتتا تەرگەپ-تەكسەرۋ ارەكەتتەرى جالعاسۋدا, قاجەتتى ساراپتامالار تاعايىندالدى.
بىرنەشە رەت قىلمىس جاساعانى ءۇشىن ەر ادام 9 جىلدان 12 جىلعا دەيىن باس بوستاندىعىنان ايىرۋ جازاسىنا كەسىلۋى مۇمكىن.
تەرگەۋ مۇددەسى ءۇشىن قوسىمشا اقپارات جاريا ەتىلمەيدى.
