«كاسپي» بيرجاسى ESG رەيتينگىن نىعايتتى — S&P Global CSA 2025 نۇسقاسى بويىنشا 60 بالل جينادى

فوتو: كاسپي

 «كاسپي» تاۋار بيرجاسى» اق S&P Global حالىقارالىق رەيتينگ اگەنتتىگىنەن كورپوراتيۆتىك تۇراقتىلىقتىڭ كەزەكتى باعاسىن (Corporate Sustainability Assessment, CSA) العانى تۋرالى حابارلايدى, دەپ جازدى qandastar.kz

2025 جىلعى S&P CSA باعالاۋ قورىتىندىسى بويىنشا «كاسپي» تاۋار بيرجاسى» اق 100 بالدىق شكالا بويىنشا 60 بالل الىپ, ءوز كورسەتكىشىن 19 بالعا جاقسارتتى.

جاھاندىق قارجى كومپانيالارى اراسىندا «كاسپي» تاۋار بيرجاسى» اق 95-پروتسەنتيلدى يەلەندى – S&P سكورينگىنە قاتىسقان سالا قاتىسۋشىلارىنىڭ 95%-ى بۇدان تومەن بالل الدى.

S&P Global كومپانياسىنىڭ جوعارى ESG سكورينگى «كاسپي» تاۋار بيرجاسى» اق-نىڭ بيزنەستى جاۋاپتى جانە ادەپتى جۇرگىزۋگە, ەكولوگيالىق, الەۋمەتتىك جانە باسقارۋشىلىق ورنىقتىلىق قاعيداتتارىن ساقتاۋعا, بۇۇ-نىڭ ورنىقتى دامۋ ماقساتتارىنا كورپوراتيۆتىك ۇلەسىن كەڭەيتۋگە بەيىلدىلىگىن راستايدى.

S&P Global كومپانياسىنىڭ «كاسپي» تاۋار بيرجاسى» اق-عا بەرگەن CSA باعاسى جاريا بولىپ تابىلادى جانە ءبىزدىڭ ستەيكحولدەرلەرگە S&P Global ۆەبسايتىندا قولجەتىمدى.

انىقتاما:

«كاسپي» تاۋار بيرجاسى» اق 2011 جىلعى قاراشادا قۇرىلعان جانە بۇگىنگى كۇنى ساۋدا وپەراتسيالارىنىڭ كولەمى مەن دامۋ سەرپىنى, ونىڭ ىشىندە ەلەكتروندىق ساۋدا سالاسىنداعى قازاقستان رەسپۋبليكاسىنىڭ جەتەكشى بيرجالارىنىڭ ءبىرى.

«كاسپي» تاۋار بيرجاسى» اق الەمنىڭ 25 مىڭنان استام كومپانيالارى مەن ۇيىمدارىن بىرىكتىرەتىن ورنىقتى دامۋ سالاسىنداعى ءىرى حالىقارالىق بىرلەستىك – بۇۇ جاھاندىق شارتىنىڭ قاتىسۋشىسى.