جاڭالىقتار
قازاقستان مەملەكەتتىك قىزمەتتەردىڭ تسيفرلانۋى بويىنشا ۇزدىك اتاندى
فوتو: اشىق دەرەككوز
قازاقستان مەملەكەتتىك قىزمەتتەردىڭ تسيفرلانۋى بويىنشا الەمنىڭ ۇزدىك 10 ەلىنىڭ قاتارىنا ەندى, – دەپ حابارلايدى qandastar.kz Ranking.kz سايتىنا سىلتەمە جاساپ.
بۇگىندە ەلىمىزدەگى مەملەكەتتىك قىزمەتتەردىڭ 93%-ى ەلەكتروندى فورماتتا قولجەتىمدى, ونىڭ ىشىندە 90,8%-ىن eGov Mobile پلاتفورماسى ارقىلى الۋعا بولادى. بۇل كورسەتكىش بويىنشا قازاقستان قىتاي, اقش, گەرمانيا, اۋستراليا جانە ءباا سياقتى دامىعان ەلدەردەن وزىپ شىقتى.
بۇۇ دەرەكتەرى بويىنشا, قازاقستان 2024 جىلى 193 ەلدىڭ اراسىندا توپ-10-دىققا كىرىپ, وڭتۇستىك كورەيا, دانيا, ەستونيا, ساۋد ارابياسى, ۋكراينا, سينگاپۋر, ۇلىبريتانيا, جاڭا زەلانديا جانە جاپونيامەن ءبىر قاتاردا تۇر, — دەلىنگەن حابارلامادا.
قازاقستاننان كەيىنگى ورىنداردا ورنالاسقان ەلدەر:
- قىتاي – 11-ورىن
- گەرمانيا – 12-ورىن
- اۋستراليا – 14-ورىن
- نيدەرلاندى – 15-ورىن
- ءباا – 16-ورىن
- اقش – 17-ورىن
ال تمد ەلدەرى قازاقستاننان ايتارلىقتاي تومەن ورنالاسقان:
- ارمەنيا – 53-ورىن
- رەسەي – 56-ورىن
- وزبەكستان – 59-ورىن
- ازەربايجان – 67-ورىن
- قىرعىزستان – 89-ورىن
- بەلارۋس – 97-ورىن
- تاجىكستان – 130-ورىن
- تۇرىكمەنستان – 172-ورىن
بۇۇ جۇرگىزگەن رەيتينگتە قىزمەتتەردىڭ قولجەتىمدىلىگى, ونلاين جۇيەگە كوشۋ قارقىنى مەن ساپاسى سىندى كورسەتكىشتەر ەسەپكە الىنعان.
ساراپشىلاردىڭ ايتۋىنشا, قازاقستاندا اسىرەسە زەينەتاقى جيناقتارى تۋرالى اقپارات الۋ, بىرىڭعاي جيناقتاۋشى زەينەتاقى قورىمەن (بجزق) بايلانىستى قىزمەتتەر, ازاماتتىق حال اكتىلەرىنە قاتىستى انىقتامالار مەن ونلاين تىركەۋلەر ەڭ ءجيى قولدانىلاتىن تسيفرلىق قىزمەتتەر قاتارىندا.
