Qazaqstan men Qytaı qarym-qatynasynyń jańa múmkindikterine jol ashyldy – QHR elshisi

Qytaı Halyq Respýblıkasynyń Qazaqstandaǵy Tótenshe jáne ókiletti elshisi Chjan Sıao Qazaqstan men Qytaı qarym-qatynasy jóninde pikir bildirdi.

«2019 jyly Qytaı Halyq Respýblıkasynyń qurylǵanyna 70 jyl toldy.

70 jyl – tarıhı ólshemniń bir bóligi ǵana, biraq bul aralyqta qytaılar maqtan etýge turarlyq jetistikterge jetti. 70 jyl buryn Qytaı tehnologııalyq turǵyda artta qalǵan, óndirisi damymaǵan memleket boldy.

Al qazir damyǵan ekonomıkasy bar, avtokólikten áskerı tehnıkaǵa deıin shyǵaratyn úlken qýatty elge aınaldy», – dedi Chjan Sıao QR Memlekettik basqarý akademııasynda «Qazaqstannyń shyǵys kórshisi. Qytaıdyń qarqyndy damýy kýágerler kózimen» konferenııasynda.

Elshi Qazaqstan men Qytaı arasyndaǵy ekijaqty qarym-qatynast y damytý máselesiniń ózektiligin atap ótti.

«Bıyl Qazaqstan men Qytaı qarym-qatynasy erekshe qarqynda damydy. Sáýir aıynda «Halyqaralyq yntymaqtastyq. Bir beldeý – bir jol» forýmynda QHR tóraǵasy Sı zınpın Tuńǵysh Prezıdent – Elbasy Nursultan Nazarbaevty Dostyq ordenimen marapattady. Jaqynda ǵana Qazaqstan Prezıdenti Qasym-Jomart Toqaev Qytaıǵa alǵashqy memlekettik saparyn tabysty ótkizdi. Eki el basshylary qarym-qatynasymyzdy jan-jaqty strategııalyq seriktestik deńgeıine shyǵarýdy uıǵardy. Bul jańa mártebe ózara árekettestiktiń jańa múmkindikterine jol ashady. Endi 55 ındýstrıaldy, ınvestıııalyq jobany júzege asyrýdan bólek, úlken derekter, jasandy ıntellekt, telekommýnıkaııa, blokcheın, ıfrlandyrý syndy salalarda joǵary tehnologııalyq yntymaqtastyqty damyta túsemiz», – dedi elshi.

Sonymen birge, dıplomat Qytaıdyń eki el arasyndaǵy máńgilik dostyq qarym-qatynasty qalaıtynyn jetkizdi.

«Búgingi sózimde bir máseleni naqty aıtqym keledi – qytaılarda otarlaýshylyq pıǵyl joq jáne bolmaǵan da. Buǵan kóz jetkizý úshin ótkenge kóz júgirtýge bolady. 15 ǵasyrda óziniń teńiz floty bar, eń qýatty memleket bolǵan Qytaı 7 aýqymdy júzý uıymdastyryp, Ońtústik Úndistanǵa, Parsy shyǵanaǵyna deıin jetken. Bizdiń babalarymyz shaı, farfor, jibek aparyp, taýar almasyp, sý betindegi Jibek jolyn qurdy. Barlyq jeti sapar da esh shıelenissiz, soǵyssyz, jergilikti halyqty óltirmeı, beıbit túrde júrgizilgen. Bul saparlar Qytaıǵa saıası, saýda jáne ekonomıkalyq baılanys ornatýǵa múmkindik berdi. Odan Qytaıdyń jer aýmaǵy keńeıip ketken joq, otarlyq rejım ornaǵan joq», – dep óz sózin túıindedi Chjan Sıao.

Derekkóz: inform.kz