Jańalyqtar
Qazaqstan men Vetnam arasyndaǵy vızasyz rejım qashan bastalady
QR Syrtqy ister mınıstrliginiń resmı ókili Aıbek Smadııarov Qazaqstan men Vetnam arasyndaǵy vızalyq talaptardan bosatý týraly kelisim jóninde baıandady.
«2023 jylǵy 21 tamyzda Vetnamnyń Hanoı qalasynda qol qoıylǵan Qazaqstan Respýblıkasynyń Úkimeti men Vetnam Soıalıstik Respýblıkasynyń Úkimeti arasyndaǵy ulttyq pasport ıelerin vıza talaptarynan bosatý týraly kelisim 25 mamyrdan bastap kúshine enedi. Kelisim eki eldiń azamattary – ulttyq pasport ıeleri úshin vızalyq talaptardyń kúshin joıýdy kózdeıdi», — dedi A. Smadııarov mınıstrliktiń aptalyq brıfınginde.
Eki eldiń azamattary Qazaqstan nemese Vetnamǵa kirgen kúnnen bastap kúntizbelik 30 kún, al 6 aıdyń ishinde jalpy alǵanda 90 kúntizbelik kún bola alady.
Jalpy Qazaqstan vızasyz elder tizimin 82-ge deıin kóbeıtti.
