Qazaqstanda úsh arnaıy salyq rejımi paıda bolady

Foto: mybuh.kz

О́zin-ózi jumyspen qamtyǵandar úshin eń tómengi tólem, shaǵyn bıznes úshin ońaılatylǵan deklaraııa jáne fermerlerdi qoldaý.

Qazaqstanda salyq salýdy jeńildetý jáne salyq tóleýshilerdiń túrli sanattaryn qoldaý arqyly arnaıy salyq rejımderin reformalaýda, dep habarlaıdy qandastar.kz. QR Ulttyq ekonomıka vıe-mınıstri Azamat Ámrın ortalyq kommýnıkaııalar qyzmetinde ótken brıfıng barysynda jańa salyq kodeksiniń kúshine enýinen bastap úsh jańa arnaýly salyq rejıminiń engizilgenin jarııalady.

Birinshi rejım mindetti zeınetaqy jarnalaryn, áleýmettik aýdarymdardy jáne mindetti áleýmettik medıınalyq saqtandyrýǵa (MÁMS) jarnalardy qamtıtyn biryńǵaı jáne eń tómengi 4% salyq tólemin usyna otyryp, ózin-ózi jumyspen qamtyǵan azamattardy qoldaýǵa baǵyttalǵan. Tólemderdi aıyna 1,25 mln teńge mólsherinde shekti tabysy bar mamandandyrylǵan qosymshalar nemese platformalar arqyly derbes engizýge bolady.

Ekinshi salyq rejımi shaǵyn bızneske qatysty, ol úshin ońaılatylǵan deklaraııany bólshek salyqpen biriktirý usynylady. Usynylǵan tabys shegi jumysshylar sany boıynsha shekteýsiz jylyna 500 mln teńgeni quraıdy. Bul ózgeris 1,9 mln astam salyq tóleýshige rejımdi qoldaný shegin 2,5 esege ulǵaıtýǵa múmkindik beredi, bul aınalymdardy zańdastyrý jáne bıznestiń bólshektenýin boldyrmaý úshin yntalandyrý bolady. Kásipkerler oǵan qosa býhgalterlik esep júrgizýden bosatylady.

Úshinshi arnaýly salyq rejımi sharýa jáne fermer qojalyqtary úshin qalady, onda aǵymdaǵy rejım salyq nysanynyń ózgerýimen saqtalady: biryńǵaı jer salyǵynyń ornyna jeke tabys salyǵy tólenetin bolady. Budan basqa, tıimsiz paıdalanylatyn jerler úshin bazalyq mólsherlemeden 40 ese mólsherde jer salyǵyn engizý usynylady. Aýyl sharýashylyǵy taýarlaryn óndirýshiler úshin jeńildikter árbir salyq boıynsha saqtalatyn bolady.

Buǵan deıin QR óńdeý ónerkásibindegi jańa jobalarǵa úsh jylǵa salyqtyq jeńildikter berý josparlanyp otyrǵany habarlanǵan bolatyn.