قازاقستاندا ۇزاق جولدا تىنىقپاي رولدە وتىراتىن جۇرگىزۋشىلەرگە ايىپپۇل سالىنادى

فوتو: سيۋجەت كادرلارىنان

ەلىمىزدە ۇزاق جولدا تىنىقپاي تىزگىندە وتىراتىن اۆتوبۋس جانە جۇك كولىگىنىڭ جۇرگىزۋشىلەرىنە جاپپاي ايىپپۇل سالىنۋدا. ولار ءتورت ميلليون تەڭگەدەن استام ايىپپۇل ارقالاعان. كولىك مينيسترلىگى تراسسالاردا رەيدتىك شارالار جالعاساتىنىن ەسكەرتتى. بۇل تۋرالى qandastar.kz اقپارات اگەنتتىگى 31-ارنانىڭ “ينفورمبيۋرو” جاڭالىقتار باعدارلاماسىنا سىلتەمە جاساپ حابارلايدى.

قالالار اراسىندا جولاۋشى تاسىمالدايتىن قوعامدىق كولىك جۇرگىزۋشىلەرىنە 9 ساعاتتان ارتىق جۇرۋگە بولمايدى. ولار 4,5 ساعات سايىن 45 مينۋت دەمالۋ كەرەك. ال ەرەجەنى ەلەمەگەن جۇرگىزۋشىلەر كولىكتەگى تاحوگراف قۇرىلعىسى ارقىلى بەلگىلى بولعان.

اۆتوبۋستار مەن جۇك كولىكتەرىندەگى بۇل قۇرىلعى ءاۆتوموبيلدىڭ جىلدامدىعىن, ءجۇرىپ وتكەن جولىن انىقتاۋعا مۇمكىندىك بەرەدى. ال اۆتوبۋس تىزگىندەيتىن ازاماتتار وزدەرىنىڭ ءۇزىلىس جاسايتىنىن, كەرىسىنشە كۇنى-ءتۇنى ادام تاسيتىن تاكسي جۇرگىزۋشىلەرىن قاتاڭ باقىلاۋ كەرەك ەكەنىن ايتتى.

ء“بىز ۋاقىتىمەن دەمالامىز. حالىقتى امان-ەسەن قالاعا جەتكىزۋ عوي ماقساتىمىز. سول ءۇشىن دەمالىپ جۇرەمىز”, “مىسالى الماتى باعىتىنا ەكى جۇرگىزۋشى بولادى. ارقايسىسىنىڭ بولەك جول قاعازى, مەديتسينالىق باقىلاۋ قاعازى بولادى. يندرايۆەردە جۇرەتىندەردە الىس جولعا ءبىر شوفەر بولادى. ويتكەنى ولاردا ورىن از. ەكىنشى شوفەر المايدى. سولاردى تەكسەرسىن”, – دەدى جۇرگىزۋشىلەر.