جاڭالىقتار
قازاقستانداعى سۋ تاسقىنى: وڭىرلەردەگى جاعداي قانداي?
![](https://qandastar.kz/wp-content/uploads/2024/05/IMG_6027-2-780x405.jpeg)
تجم مالىمەتىنشە, اقتوبە, اتىراۋ, باتىس قازاقستان, سولتۇستىك قازاقستان وبلىستارىندا سۋ تاسقىنىنا قارسى جانە قۇرعاتىلعان ۇيلەر مەن اۋماقتاردا دەزينفەكتسيالىق جۇمىستار جۇرگىزىلىپ جاتىر.
وتكەن تاۋلىكتە سولتۇستىك قازاقستان وبلىسىنىڭ پەتروپاۆل قالاسىندا قالعان سۋ باسقان اۋلا اۋماقتارىنان سۋ سورۋ جۇمىستارى جالعاستىرىلىپ جاتىر. 104 870 تەكشە مەتر سۋ سورىلدى.
اتىراۋ وبلىسى جىلىوي اۋدانىنىڭ قۇلسارى قالاسىندا, يندەر اۋدانىنىڭ يندەربور كەنتىندە, ماحامبەت اۋدانىنىڭ جالعانساي اۋىلىندا سۋ باسقان اۋماقتاردان 137 823 تەكشە مەتر سۋ سورىلدى. جايىق وزەنىنىڭ سۋ دەڭگەيىنە مونيتورينگ جۇرگىزىلىپ جاتىر. جايىق وزەنى سۋ دەڭگەيىنىڭ كوتەرىلۋىنە بايلانىستى اتىراۋ قالاسىندا بوگەتتەردى نىعايتۋ جۇمىستارى جالعاستىرىلىپ جاتقانى ايتىلدى.
«اقتوبە وبلىسى ىرعىز اۋدانىنىڭ قۇيلىس جانە جايساڭباي اۋىلدارىندا 3 300 قاپشىق توسەلدى. بوگەتتەردى نىعايتۋ جۇمىستارى جالعاستىرىلىپ جاتىر.
اقمولا وبلىسى تسەلينوگراد اۋدانىنىڭ قوياندى اۋىلىندا ۇزاق ۋاقىت جاۋعان جاڭبىردىڭ سالدارىنان ەكى جەكە تۇرعىن ءۇي مەن 20 اۋلا اۋماعىن سۋ باستى. وتكەن تاۋلىكتە 5 620 تەكشە مەتر سۋ سورىلدى. ۇيلەردەن سۋدىڭ باعىتى بۇرىلدى, سۋ سورىلدى, اۋلا اۋماقتارىندا جۇمىسار جالعاستىرىلۋدا», – دەلىنگەن حابارلامادا.