Qazaqstandaǵy sý tasqyny: óńirlerdegi jaǵdaı qandaı?

TJM málimetinshe, Aqtóbe, Atyraý, Batys Qazaqstan, Soltústik Qazaqstan oblystarynda sý tasqynyna qarsy jáne qurǵatylǵan úıler men aýmaqtarda dezınfekııalyq jumystar júrgizilip jatyr.

О́tken táýlikte Soltústik Qazaqstan oblysynyń Petropavl qalasynda qalǵan sý basqan aýla aýmaqtarynan sý sorý jumystary jalǵastyrylyp jatyr. 104 870 tekshe metr sý soryldy.

Atyraý oblysy Jylyoı aýdanynyń Qulsary qalasynda, Inder aýdanynyń Inderbor kentinde, Mahambet aýdanynyń Jalǵansaı aýylynda sý basqan aýmaqtardan 137 823 tekshe metr sý soryldy. Jaıyq ózeniniń sý deńgeıine monıtorıng júrgizilip jatyr. Jaıyq ózeni sý deńgeıiniń kóterilýine baılanysty Atyraý qalasynda bógetterdi nyǵaıtý jumystary jalǵastyrylyp jatqany aıtyldy.

«Aqtóbe oblysy Yrǵyz aýdanynyń Quılys jáne Jaısańbaı aýyldarynda 3 300 qapshyq tóseldi. Bógetterdi nyǵaıtý jumystary jalǵastyrylyp jatyr.

Aqmola oblysy elınograd aýdanynyń Qoıandy aýylynda uzaq ýaqyt jaýǵan jańbyrdyń saldarynan eki jeke turǵyn úı men 20 aýla aýmaǵyn sý basty. О́tken táýlikte 5 620 tekshe metr sý soryldy. Úılerden sýdyń baǵyty buryldy, sý soryldy, aýla aýmaqtarynda jumysar jalǵastyrylýda», – delingen habarlamada.