جاڭالىقتار
قازاقستاندىقتار بولاشاقتا وزبەكستانعا پاسپورتسىز-اق بارا الۋى مۇمكىن
قوس اعايىن ەلدىڭ ىنتىماقتاستىعى بيىل جاڭا دەڭگەيگە كوتەرىلەدى.
قازاقستان مەن وزبەكستان اراسىنداعى شەكارانى كەسىپ ءوتۋ ۋاقىتى 30 مينۋتقا دەيىن قىسقارادى. بۇل تۋرالى مەملەكەتتىك كىرىستەر كوميتەتىنىڭ كەدەندىك باقىلاۋ دەپارتامەنتىنىڭ ديرەكتورى ەلدوس ساۋداباەۆ حابارلادى.
ەلىمىزدىڭ ترانزيتتىك الەۋەتىن دامىتۋ جانە كورشى ەلدەرمەن ءوزارا تاۋار اينالىمنىڭ كولەمىن ەسەلەپ ارتتىرۋ ماقساتىندا ۇكىمەت وزبەكستانمەن, تۇرىكمەنستانمەن جانە قىتايمەن اراداعى شەكارادا وتكىزۋ بەكەتتەرىن كەڭ اۋقىمدى جاڭعىرتۋدى باستادى. ونىڭ اياسىندا ەسكى ينفراقۇرىلىم كۇرەسىنگە جىبەرىلىپ, ورنىنا مۇلدەم جاڭا وتكىزۋ پۋنكتەرى تۇرعىزىلادى. سەبەبى, قولدانىستاعى ينفراقۇرىلىم كونەردى جانە قازىرگى زامان تالاپتارىنا سايكەس كەلمەيدى», – دەدى ول. نەگىزى, قازاقستان مەن وزبەكستان بۇدان دا جاقىن, تىعىز كىرىگە الار ەدى. مىسالى, رەسەيدەن بەلارۋسكە ساپارلاساڭىز, ءتىپتى شەتەلدىك پاسپورت تالاپ ەتىلمەيدى. قوس حالىق جەكە باستى كۋالاندىراتىن ىشكى قۇجاتپەن بارىس-كەلىس جاساي بەرەدى. قازاقتار مەن وزبەكتەر دە ءوزارا سەنىمنىڭ وسى بيىك دەڭگەيىنە جەتكەنى ءجون. بىراق كوبىنە, قازاقستان بيلىگى تاراپىنان تارتىنشاقتاۋ بايقالادى. ەگەر شەكارانى اشىپ تاستاساق, وزبەكستاندىق ەڭبەك ميگرانتتارى قاپتايدى دەپ سانايدى. بۇل ورىنسىز. كەلگىسى كەلگەندەر ونسىز دا كىرىپ جاتىر. وزبەك ەڭبەككەرلەرىنىڭ كوبى بۇگىندە الىس شەتەلدى تاڭداي باستادى, اقش, ۇلىبريتانيا, ەۋروپا ەلدەرىنە دەن قويدى. وڭتۇستىك كورەيانىڭ سىرتقى ەڭبەك ميگراتسياسى اگەنتتىگى بيىل 100 مىڭ وزبەكستان ازاماتىن شاقىرىپ وتىر. قازاقستان ولارعا قىزىقسىز: جالاقى تىم تومەن, باسپانا ارەنداسى قىمبات», – دەدى ە.ورازباەۆ.
ساراپشى ەڭبەك ميگراتسياسىنا بولا, اعايىن ەكى ەلدىڭ ىنتىماقتاستىعىن ەندى شەكتەي بەرمەگەن ءجون دەپ سانايدى.
