جاڭالىقتار
قازاقستاننىڭ بارلىق قالاسىندا دەرلىك تۇرعىن ءۇي باعاسى تومەندەدى
![](https://qandastar.kz/wp-content/uploads/2024/05/IMG_5925-720x405.webp)
سوڭعى بىرنەشە جىلدا قازاقستاندا جىلجىمايتىن م ۇلىكتىڭ قۇنى ۇزدىكسىز وسۋدە – ءۇش جىل ىشىندە قايتالاما تۇرعىن ءۇي نارىعىندا شارشى مەترلەر ورتاشا ەسەپپەن 40 پايىزعا قىمباتتادى. ءدال قازىر قازاقستان باعا جونىنەن تاۋەلسىز مەملەكەتتەر دوستاستىعىنداعى (تمد) كەيبىر ەلدەردەن دە وزىپ كەتتى. الايدا ءساۋىر ايىندا ەلدە كۇتپەگەن جاعداي بولدى – كوپتەگەن قالالاردا پاتەر باعاسى تومەندەدى. «كرىشا» پورتالىنىڭ ساراپشىلارى 18 قالانىڭ 11-دە باعانىڭ تومەندەگەنىن اتاپ ءوتتى. باعا ەڭ كوپ تومەندەگەن قالا – الماتى. مۇندا ءبىر ايدا باعا 2,1 پايىزعا ءتۇستى. دەگەنمەن مەگاپوليستەگى پاتەرلەردىڭ ورتاشا قۇنى بۇرىنعىسىنشا رەسپۋبليكا بويىنشا ەڭ جوعارى – شارشى مەترى 717 216 تەڭگە. باسقا قالالاردا اي سايىنعى تومەندەۋ ايتارلىقتاي بايقالمايدى: قاراعاندىدا (-1 پايىز), تالدىقورعان مەن اقتوبەدە (-0,7 پايىزدان), پاۆلودار مەن قىزىلوردادا (-0,6 پايىزدان), ورال, وسكەمەن جانە تارازدا (-0,4 پايىزدان), سونداي-اق شىمكەنت پەن كوكشەتاۋدا (-0,1 پايىزدان).
اقتاۋدا ءبىر ايدا باعا ايتارلىقتاي ءوستى – 4,2 پايىزعا, ورتاشا ەسەپپەن شارشى مەترى ءۇشىن 350 884 تەڭگەگە دەيىن. ءبىر قىزىعى, بۇل قالا دا جىل سايىنعى كورسەتكىش بويىنشا الدىڭعى قاتاردا تۇر. سالىستىرۋ ءۇشىن: الماتىدا باعا ءبىر جىلدا نەبارى 0,7 پايىزعا وسسە, استانادا 0,6 پايىزعا, ال شىمكەنتتە جالپى العاندا 3 پايىزعا تومەندەگەن.