«كەشىرۋ دە, ءتۇسىنۋ دە مۇمكىن ەمەس»: ايساۋلە باقىتبەك اكەسىنە قاتىستى سۇراققا جاۋاپ بەردى

تانىمال پروديۋسەر بايان الاگوزوۆانىڭ قىزى, بلوگەر ايساۋلە باقىتبەك الەۋمەتتىك جەلىدە اكەسى تۋرالى سۇراققا جاۋاپ بەردى, دەپ حابارلايدى Qandastar.kz اقپارات پورتالى.

بلوگەرگە وقىرماندارىنىڭ ءبىرى «اكەڭىزدى كەشىردىڭىز بە?» دەگەن سۇراق قويعان. ايساۋلە باقىتبەك بۇل سۇراققا جاۋاپ بەرىپ, بولعان وقيعانى قابىلدايتىنىن ايتتى.

«كەشىرۋ مەن ءتۇسىنۋ كەيدە مۇمكىن ەمەس. بىراق مەن قابىلدايمىن جانە جاقسى كورەمىن. وسى جەتكىلىكتى بولادى دەپ ۇمىتتەنەمىن», – دەپ جاۋاپ جازدى بلوگەر.

ايتا كەتەيىك, بلوگەر اكەسىنىڭ اناسى بايان ماقساتقىزىنا قول كوتەرگەنىنە قاتىستى ءجيى پىكىر بىلىدرەدى.

“مەن اكەممەن تۇسكەن فوتومدى جاريالاسام, ماعان كەيبىر وقىرماندارىم: “جارايسىڭ, ارالاسقانىڭ جاقسى” دەپ پىكىر جازادى. ولاردىڭ ماعان جۇمسارتىپ ايتقان پىكىرلەرى ۇنامايدى. اكەمنىڭ ءىسى – اقتاۋعا كەلمەيتىن دۇنيە. ەشقانداي جاعدايدا. بۇل سۋرەت جانە ءبىزدىڭ ارالاساتىنىمىز, ونى از دا بولسا تۇسىنەتىنىمدى نەمەسە اقتاعىم كەلەتىنىن بىلدىرمەيدى. بۇل ولاي ەمەس”, – دەدى ايساۋلە باقىتبەك.