Áleýmet jáne qoǵam
Kólikti 5 mınýttan artyq qyzdyrǵany úshin aıyppul salý zańda joq – depýtat
Foto: tengrınıýs
Kólikti 5 mınýttan artyq qyzdyrǵany úshin aıyppul salý zańda joq bolyp shyqty, dep habarlaıdy qandastar.kz Ulysmedıaǵa siltep.
Kólikti bes mınýttan artyq qyzdyrýǵa zańda tyıym salynbaǵan. Bul týraly Májilis depýtaty, zańnama jáne sot-quqyqtyq reforma komıtetiniń múshesi Baqytjan Bazarbek málimdedi. Ol komıtet tıisti túzetýler engizgenin, oǵan sáıkes osyndaı normalardy jergilikti ókildi organdar – máslıhattar bekite alatynyn atap ótti.
– Sizder (memlekettik organdar) zańda “bes mınýt” degen túsiniktiń joq ekenin túsindirýlerińiz kerek edi. Osylaı shýlatyp jibergen ózderińiz, qazir búkil halyq bes mınýt týraly aıtyp júr. Muny ishki ister mınıstrligi men basqa da memlekettik organdar birigip túsindirýi tıis edi. Al qazir, túsindirý jumystarynyń júrgizilmeýiniń saldaryn kórip otyrmyz. Kóptegen adam osy máseleni haıpqa aınaldyryp jiberdi, – dedi depýtat.
О́z kezeginde ishki ister mınıstriniń orynbasary Igor Lepeha bes mınýt týraly norma jol qozǵalysy týraly zańda «toqtap turý» men «turaq» uǵymdaryn ajyratý úshin qoldanylǵanyn aıtady.
Qozǵaltqyshty qyzdyrý týraly zańda bes mınýt degen talap joq. Eger turǵyndarǵa qolaısyzdyq týdyryp, kedergi jasaıtyn bolsa tek mehanıkalyq kólikterdiń qozǵaltqyshy qosýly kúıde eldi mekenderdiń arasynda toqtap turýyna tyıym salynady. Bul norma boıynsha tek shaǵym túsken jaǵdaıda ǵana jaýapkershilikke tartylady. О́tken jyly osyndaı úsh jaǵdaı boldy, onyń bireýin prokýratýra toqtatty. Iaǵnı, qozǵaltqyshty qyzdyrǵany úshin eshkimge aıyppul salynǵan joq. Bul – qoldan jasalǵan problema», – dep sendirdi vıe-mınıstr.
Buǵan deıin Májilis depýtaty Serik Erýbaev óńirlerdiń temperatýralyq rejımi men klımatyn eskere otyryp, qosýly kólikke qatysty normany qaıta qaraýdy suraǵan bolatyn.
Al QR IIM bul jańashyldyq emes ekenin, atalǵan normanyń qoldanysqa engizilgennen beri 20 jyldan astam ýaqyt ótkenin atap ótti.
QR IIM Ákimshilik polıııa komıteti bul rette QR ÁQBtK-niń 597-babynan buzǵany úshin azamattarǵa 5 AEK (19 660 teńge) mólsherinde, al qaıtalap buzǵany úshin – 10 AEK (39 320 teńge) mólsherinde aıyppul qarastyrylatynyn eske saldy.
