«Qolyńyzda qutqarýshynyń jyldyq jalaqysy»: jýrnalıster tótenshe jaǵdaılar mınıstrinen saǵatynyń baǵasyn surady

Mınıstrler kabınetinde ótken brıfıngte Tótenshe jaǵdaılar mınıstrligi basshysyna qolyndaǵy saǵattyń quny týraly suraq qoıyldy – suraq Qazaqstanda qutqarýshylardyń alatyn jalaqysy týraly áńgime barysynda qoıylǵan,-dep habarlaıdy Qandastar.kz

Shyńǵys Árinov búgin Qazaqstandaǵy sý tasqyny kezinde qutqarýshylar qansha jalaqy alǵanyn aıtty. Mınıstrge tótenshe jaǵdaı qyzmetkerlerine osy aýyr jumys kezinde nege syrt kelbetiniń ádemi bolýy talap etilgeni jóninde suraq qoıyldy.

«Meniń oıymsha, eger mundaı shaǵym jasalǵan bolsa… Qutqarýshy, ásirese, pogon taqqandar uqypty kıinip júrýi kerek degen talap bar ekenin jasyrmaımyn. Syrtqy kelbeti uqypty bolýy – negizinen talap osyndaı bolǵan: qyryný, taraný, formasyn taza ustaý. Mundaı talap boldy, óıtkeni biz basshylyq jáne jergilikti basshylyq retinde gıgıena men jer-jerdegi qyzmetin qalypty atqarýǵa qajet jaǵdaılardy uıymdastyrdyq», – dep jaýap berdi Árinov.

Tótenshe jaǵdaılar mınıstrine: «Qutqarýshylar formany óz qarjysyna satyp alýǵa májbúr, al mınıstrlik basshysy «jyldyq jalaqyny» qolsaǵat retinde taǵyp júr degen pikir shyndyqqa janasa ma?» degen suraq qoıyldy.

О́z aqshańa forma satyp alý jónindegi talapqa kelsek, mundaı talap joq. Qyzmetkerlerimizdi tolyqtaı qamtamasyz etip otyrmyz. Áttegen-aıy, sonshalyq sapaly bolmasa da, qamtamasyz etip otyrmyz. Al eki mıllıon turatyn saǵatqa keler bolsaq, bul da asyra aıtýshylyq (…) Eki mıllıon turmaıtyny anyq. Qansha turatynyn múlde bilmeımin, bul maǵan syıǵa tartylǵan qalypty saǵat», – dep jaýap berdi Árinov.