Qonaevta oqýshyny ólimshi etip sabaǵan – ákimdik málimdeme jasady

Gúlmıra Ábiqaıdyń jazýynsha, qazir bala jansaqtaý bóliminde.

«Qalaǵa kire beris alyp kópirdiń asty kúshi tasyǵan oqýshylarǵa kúshti meken boldy. Toptyq tóbeles, tyǵylyp ishý, tartý bári osynda ótedi.Keshe ǵana 9 synyp oqýshylary toptasyp óz synyptasyn ólimshi etip uryp tastaǵan.Bala jansaqtaý bólimine tústi, qazir aýrýhanada».Gúlmıra Ábiqaı

Bul rette, qala ákimdiginiń baspasóz qyzmeti aqparattyń jalǵan ekendigin málimdedi. Sondaı-aq, Qonaevta buǵan deıin kópirdiń astynda tóbeles bolǵany týraly derek tirkelmegenin basa aıtty.

О́z kezeginde oqýshynyń anasy tóbeles bolǵanyn joqqa shyǵaryp, beınejazba túsirgen.

«Osy jyldyń 31 qańtarynda kámeletke tolmaǵan ulym jergilikti aýrýhanaǵa tústi. Qalanyń kireberis kópiriniń astynda ulymdy eshkim soqqyǵa jyqqan joq jáne eshqandaı toptyq tóbeles bolǵan joq», – dedi ol.

Zakon.kz habarlaǵandaı,  oqýshynyń aýrýhanaǵa túsý sebebi «ony qatarlastary ólimshi etip sabaǵannan» emes, «óz-ózine qol jumsamaq bolǵanynan» ekendigi belgili boldy.

«Buǵan deıin Polıııa basqarmasy málim etkendeı, ózin-ózi óltirýge deıin jetkizý deregi boıynsha qylmystyq is qozǵaldy. Qazirgi ýaqytta bolǵan oqıǵanyń barlyq mán-jaılaryn tolyq jáne jan-jaqty zertteý úshin barlyq qajetti tergeý áreketteri júrgizilýde. Atalǵan jumystardyń nátıjesi boıynsha túpkilikti proestik sheshim qabyldanatyn bolady. О́zge aqparat tergeý múddesine oraı jarııa etilmeıdi».Qonaev qalasy ákiminiń baspasóz qyzmeti

Ákimdik aqparatyna súıensek, búginde jergilikti bilim bólimi orta mektep-gımnazııasyndaǵy tártiptik jaǵdaıǵa qatysty komıssııa qurdy. Oqýshy «Antıseptıkpen ýlaný» dıagnozymen aýrýhanaǵa túsken. Qazirgi tańda jaǵdaıy jaqsy, em qabyldaýda. О́zine-ózi qol jumsamaq bolǵan bala oqýda ozat, ortasynda syıly oqýshy.

Sonymen qatar, ákimdik BAQ ókilderi men Qazaqstan halqyn resmı aqparat kózderine ǵana senýge shaqyrdy.

«Jalǵan aqparat taratý úshin QR Zańnamasy aıasynda ákimshilik jaza qarastyrylǵanyn esterińizge salamyz».Qonaev qalasy ákiminiń baspasóz qyzmeti