كورەيا قازاقستاندىقتاردى جۇمىسقا الا باستايدى: ەڭبەك مينيسترلىگى نە دەيدى?

ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا قازاقستاندىقتارعا وڭتۇستىك كورەيادا زاڭدى تۇردە جۇمىس ىستەۋگە قاشان رۇقسات بەرىلەتىنى تۋرالى سۇراققا جاۋاپ بەردى,-دەپ حابارلايدى Qandastar.kz

ءماجىلىس كۋلۋارىندا جۋرناليستەر مينيستردەن وڭتۇستىك كورەيا قازاقستاندىقتار ءۇشىن ەڭبەك كوشى-قون ماسەلەسىن جەڭىلدەتە مە دەگەن سۇراق قويدى.

«مەموراندۋم جۇمىسپەن قامتۋ جانە ەڭبەك قاۋىپسىزدىگى جانە ەڭبەكتى قورعاۋ سالاسىنداعى ساياساتتى قالىپتاستىرۋداعى ىنتىماقتاستىقتى جەڭىلدەتۋ بولىگىندە جاسالدى. تانۋ ورتالىقتارىنا كەلەتىن بولساق, ولار الماتىدا, تۇركىستان وبلىسىندا, شىعىس قازاقستان وبلىسىندا, اشىلىپ جاتىر, پاۆلودار دايىن بولىپ قالدى. قازاقستان تاراپى قازاقستاندىقتاردى وقىتۋعا جانە وڭتۇستىك كورەياعا جۇمىسقا تۇرۋ ءۇشىن كاسىبي جانە قۇقىقتىق مۇمكىندىكتەر بەرۋگە تولىق دايىن», – دەدى جاقىپوۆا جۋرناليستەردىڭ سۇراقتارىنا جاۋاپ بەرە وتىرىپ.

ءمينيستردىڭ ايتۋىنشا, مەموراندۋم وڭتۇستىك كورەيانىڭ ادىلەت مينيسترلىگىندە قارالىپ جاتىر.

ء«بىز وڭتۇستىك كورەيا پرەزيدەنتى كەلگەندە, وڭتۇستىك كورەيا تاراپى كەلىسىپ, مەملەكەتىشىلىك كەلىسىمدى جۇرگىزۋگە ۇلگەرىپ, قول قويامىز دەپ ۇمىتتەندىك, بىراق, وكىنىشكە قاراي, ولار ۇلگەرمەدى جانە ءبىز وسى مەموراندۋمعا قول قويۋ ۇدەرىسىن جەدەلدەتۋ ءۇشىن وڭتۇستىك كورەيا تاراپىنان جاۋاپكەرشىلىك بولۋى ءۇشىن نيەت تۋرالى مەموراندۋمعا قول قويدىق. وكىنىشكە قاراي, ۋاقىت بويىنشا ايتا المايمىن, بۇل باسقا مەملەكەت, مەنىڭ بىلۋىمشە, كەلىسۋى كەرەك ءبىر مەملەكەتتىك ورگان قالعان. وڭتۇستىك كورەيا تاراپىنىڭ ميگرانتتار جۇمىسقا ورنالاسا الاتىن ماماندىقتارعا ارنايى كۆوتا بەلگىلەيتىنى مەموراندۋمعا بايلانىستى بولادى», – دەپ ءتۇسىندىردى مينيستر.