Qýandyq Bıshimbaevty aqtaýdyń naýqany júrip jatyr

Kisi óltirý qylmys! Kisi óltirýdi aqtaý- odan ótken qylmys!

Búgin Saltanat Núkenovanyń ólimine qatysty mańyzdy aqparat kelip tústi. Advokattar qazirdiń ózinde is materıaldarymen tanysýdy aıaqtapty. Bul degenińiz jaqynda Bıshimbaev sot aldynda jaýap beredi degen sóz.

Bul kisi ólimi búkil Qazaqstandy dúr silkindirdi. Bizdiń ómir súrip jatqan qoǵamymyzdaǵy óte mańyzdy taqyryp – áıelder men balalarǵa qatysty zorlyq-zombylyq máselesi kóterildi. Almatyda mıtıngter ótip, otbasynda turmystyq zorlyqqa ushyraǵan qanshama áıel óz basynan keshkenin qoǵamǵa jarııalady.

Men kisi óltirgen adamnyń barynsha qatań jazalanýy kerek dep esepteımin.

Qazir sot bastalar aldynda BAQ pen álemjelide Qýandyq Bıshimbaevty aqtaýdyń kezekti naýqany bastalǵaly jatyr. Esterińizde bolsa, bundaı jaǵdaı Bıshimbaev byltyr ustalǵan soń birden oryn alǵan bolatyn.

Biraq eń ókinishtisi, keıbireýler Bıshimbaevty jaqsy jaǵynan kórsetýge ǵana emes, marqum Saltanatty jan-jaqty jamandap, qaralaýǵa da tyrysyp jatty. Olar ony qatty mas boldy, tabletka ishti dep jazdy! Sol ishken tabletkadan qaıtys bolypty degender de boldy beti búlk etpeı!

Kezinde JOO rektory bolyp qısapsyz baılyq jınaǵan ákesi ulynyń kisi óltirgenin qaralap jazdy dep birneshe bloger men jýrnalıstiń ústinen aryz da jazdy!

Jaqynda sot. Eldegi turmystyq zorlyq-zombylyqtyń shkalasyndaı bolǵan Saltanat Núkenovanyń ólimine qatysty shyǵarylatyn úkim, bolashaqtaǵy áıelder men balalar máselesi úshin óte mańyzdy bolmaq!

Ońǵar QABDEN, jýrnalıst