«قىزدى «جات-جۇرتتىق» دەپ جاقىنداتپاۋ – فاشيزم» – دينا تولەپبەرگەن

فوتو: instagram.com/dina_tolepbergen

بەلگىلى تەلەجۇرگىزۋشى دينا تولەپبەرگەن قىز بالا, ايەل تۋرالى قوعامداعى كوزقاراسقا قاتىستى ويىن ءبىلدىردى, دەپ حابارلايدى Skifnews.kz اقپارات پورتالى.

ونىڭ پايىمداۋىنشا, اتا-اناسى قىزىن «جات-جۇرتتىق» ەمەس, «جانىم» دەسە ءجون بولادى.

«ايەلدى ۇرۋ – قىلمىس. بۇل بوس ۇران ەمەس, بۇل ەندى زاڭ. ءبىز «قىز – جات-جۇرتتىق دەگەن ويدان جيرەنۋىمىز كەرەك. ءوز باۋىرىڭنان شىعىپ, توعىز اي كوتەرگەن پەرزەنتىڭدى قىز بولعانى ءۇشىن «جات» دەپ جاقىنداتپاۋ – فاشيزم. مەن ءاربىر اتا-انانىڭ ءوز قىزىن جات ەمەس, جانىم دەگەنىن قالايمىن.

«ۇلدىڭ مۇراسى وزىمىزدە قالادى, قىزدىڭ مۇراسى قۇدالارعا بارادى» دەپ ويلاۋ قاتە! ۇل ءوز پاتەرىنە ءوزى اقشا تاپسا, ۇتىلمايدى. ال قىز ءۇشىن بۇل – قاۋىپسىزدىك  العىشارتى», – دەپ ول الەۋمەتتىك جەلىدەگى پاراقشاسىندا جازدى.