Mańǵystaýlyq stýdentter bıznes forýmǵa qatysty

Mańǵystaýda M. Tynyshpaev atyndaǵy QazATK kolledjiniń bes stýdenti Almaty qalasyndaǵy «Enactus Kazakhstan Business Collaboration Forum» qatysyp keldi. Olardyń jol júrý shyǵynyn «Jeti jurt» qoǵamdyq birlestigi «Jol júrý granty» jobasy aıasynda ótep berdi.

Forýmǵa eldiń túkpir-túkpirinen 1 118 stýdent qatysqan. Negizgi maqsat – belsendi stýdentter, bıznes sarapshylardyń basyn biriktirip, túrli jobalardy talqylaý, úzdik jobalardy anyqtaý arqyly jastardyń bıznes bastaýynaq qoldaý kórsetý.

Forýmnyń ashylýynda Enactus Kazakhstan dırektorlar keńesiniń tóraǵasy, «Atameken» QR Ulttyq kásipkerler palatasynyń tóraǵasy Raıymbek Batalov sóz sóıledi.

«Mundaı joba osynda otyrǵan árbir adam úshin mańyzdy. Jastar, ortaq maqsat úshin birigip, elimizdiń bilim men ǵylym salasyna óz úlesterińdi qosyp jatsyńdar. Búgingi bıznes forým jastarǵa qoldaý kórsetý úshin uıymdastyryldy. Men mundaǵy ár stýdent bolashaqta el maqtanyshyna aınalatyn jobalardy iske asyratynyna senimdimin», — dedi Raıymbek Batalov.

Mańǵystaýlyq jastar túrli baǵyttaǵy tórt jobany usynǵan. Aıtýynsha, joba úzdik atansa, 3 mln teńgedeı qarjylaı qoldaý kórsetiledi. Joba jeńimpazdary 2024 jyldyń aqpan aıynda anyqtalady.

Sonymen qatar forým aıasynda qatysýshylar semınar-trenıngterge qatysyp, bilim alyp, tájirıbe almasty.