جاڭالىقتار
مارات احمەتجانوۆ اقمولا وبلىسىندا سۋ تاسقىنى قاۋپى بار ايماقتى ايتتى
«ەكى اپتا بۇرىن جىبەك جولى اۋىلىندا كوشپەلى وتىرىس وتكىزدىك.
ويتكەنى ونى ەڭ ءبىر قاۋىپتى ايماق دەپ ەسەپتەيمىز. كەزدەسۋگە استانا قالاسىنىڭ اكىمى جەڭىس قاسىمبەك جانە توتەنشە جاعدايلار, سۋ رەسۋرستارى جانە يرريگاتسيا مينيسترلىگىنىڭ وكىلدەرى قاتىستى. قالا اكىمى سۋ تاپشىلىعى بار جەردىڭ قويمالارىنا سۋ كوپ جينالسا دەپ جوسپارلايدى, ال ءبىز ءۇشىن بۇل قاۋىپتى. ويتكەنى تاسقىن بولاتىن بولسا, اۋىلداردى سۋ باسۋى مۇمكىن.
سوندىقتان وسىنى جان-جاقتى قاراپ, عىلىمي زەرتتەۋ ماسەلەلەرىن, بۇرىنعى توتەنشە جاعدايلاردى قاراستىرىپ جاتىرمىز. مىسالى, 2017 جىلى سۋ تاسقىنى بولىپ, جىبەك جولىنداعى ەلدىمەكەندەردى سۋ باسقان.
قازىر سۋ باسقان جەرلەردەگى شاعىن اۋدانداردا جەكە ۇيلەر سالىنعان», – دەدى مارات احمەتجانوۆ.
