Marat Ahmetjanov Aqmola oblysynda sý tasqyny qaýpi bar aımaqty aıtty

«Eki apta buryn Jibek joly aýylynda kóshpeli otyrys ótkizdik.

О́ıtkeni ony eń bir qaýipti aımaq dep esepteımiz. Kezdesýge Astana qalasynyń ákimi Jeńis Qasymbek jáne Tótenshe jaǵdaılar, Sý resýrstary jáne ırrıgaııa mınıstrliginiń ókilderi qatysty. Qala ákimi sý tapshylyǵy bar jerdiń qoımalaryna sý kóp jınalsa dep josparlaıdy, al biz úshin bul qaýipti. О́ıtkeni tasqyn bolatyn bolsa, aýyldardy sý basýy múmkin.

Sondyqtan osyny jan-jaqty qarap, ǵylymı zertteý máselelerin, burynǵy tótenshe jaǵdaılardy qarastyryp jatyrmyz. Mysaly, 2017 jyly sý tasqyny bolyp, Jibek jolyndaǵy eldimekenderdi sý basqan.

Qazir sý basqan jerlerdegi shaǵyn aýdandarda jeke úıler salynǵan», – dedi Marat Ahmetjanov.