Memlekettik til bola tura orys tilin ultaralyq qatynas tili deý qısynsyz — dintanýshy Asyltaı Tasbolat

Eldegi árbir etnosty ult deýge kelmeıdi. Bul — separatızm. Bul pikirdi dintanýshy Asyltaı Tasbolat Facebook paraqshasynda jazdy, dep habarlaıdy “Adyrna” ulttyq portaly. 

“Qasym- Jomart Toqaev keshe Assambleıanyń kezekti sessııasynda etnosaralyq tatýlyq, kelisim týraly aıtty. Memlekettik tildi bilýdi azamattyq jaýapkershilik dep kórsetti. Osylaısha ult uǵymy azamattyq mazmun ıelendi. 20 mıllıon Qazaqstan azamatynyń barlyǵyn qazaq deýdiń alǵysharty jasaldy. Buǵan deıin ultaralyq qatynas dep qoldaný bar bolatyn. Bul — qate. Eldegi árbir etnosty ult deýge kelmeıdi. Separatızm bul. Sovet kezeńindegi ult respýblıkalary degendi qate kóshirip, eldegi ár etnosqa qatysty qoldanyp jiberýden bastalǵan aǵattyq pa deımin. Al, memlekettik til bola tura orys tilin ultaralyq qatynas tili deý — tipti qısynsyz. Toqaev muny memlekettik tildi bilý azamattyq jaýapkershilik dep kórsetti. Ult degen shynymen de áleýmettik konstrýkt jáne saıası termın. Nation building — ult qalyptastyrý degendi bildiredi. Qazaqstan respýblıkasynyń halqy — qazaqtar. Arǵyn, naıman, adaı, qońyrat, dýlat tekti qazaqqa orys, uıǵyr tekti qazaqtar qosyldy. Keshegi Freedom finance-qa Chocolife pen Aviata-ny qosyp alǵan Tımýr Týrlov ta, osy postty jazyp otyrǵan Asyltaı da ult retinde birtutas. Barlyǵymyzǵa ortaq memlekettik til — qazaq tili”,- dep jazdy dintanýshy.