Танымал әзілкеш Тұрсынбек Қабатовтың жары Мөлдір Мұқанова әлеуметтік желіде тараған видеосы арқылы көпшіліктің ыстық ықыласына бөленді, дейді Qandastar.kz сайты.
Желіде жарияланған бейнежазбада Мөлдір Мұқанова ас үйде қияр мен қызанақты жуып, қысқа дайындық жұмыстарын жасап жүрген сәті көрсетілген. Бейнежазбада оның ешбір жасандылықсыз, қарапайым тұрмыстық істермен айналысып, жылы жымиып жүргені көпшіліктің назарын аударды.
Желі қолданушылары танымал отбасының мүшесі бола тұра, Мөлдір Мұқанованың қарапайымдылығы мен еңбекқорлығын жоғары бағалап, пікірлерін жарыса жазды. Олардың айтуынша, ол көпшілікке өзін қарапайым әрі пысық отанасы ретінде көрсете білді.
Қазнет қолданушыларының бірі: «Нағыз қазақы келіннің үлгісі», – деп жазса, енді бірі: «Қарапайымдылығы сүйсіндіреді. Осындай шынайылық әр адамға жарасады», – деген пікір қалдырған.
Аталған бейне әлеуметтік желіде қызу талқыланып, мыңдаған қаралым жинап келеді.
