«Náresteniń ne kinási bar»: Taldyqorǵanda sottalǵan býhgalterdiń biri – jas ana

foto: vıdeodan skrınshot

Taldyqorǵan qalasy bilim bóliminiń jáne mektepteriniń 21 býhgalteri 4,5 mıllıard teńge bıýdjet qarajatyn jymqyrǵany úshin sottaldy. Olardyń biri – 2 aılyq balanyń anasy.

Jýrnalıst Sandýǵash Dúısenova náresteniń anasyna qatysty sot sheshimimen kelispeıtinin jazdy.

Joǵarǵy Sottyń málimeti boıynsha, bilim bóliminiń basshysy 3 jylǵa jýyq ýaqyt urlyqpen aınalysqan áriptester tobyn basqarǵan. Onyń quramyna bólimniń 7 býhgalteri jáne 14 mektep esepshisi bar.

Jýrnalıst jáne bloger Sandýǵash Dúısenovanyń aıtýynsha, sottalǵan esepshiniń biri – Dana Sháripovanyń 2 aılyq balasy bar. Náreste anasynyń omyraý sútine muqtaj.

«4,6 mlrd teńge jymqyrý isi boıynsha sot aıaqtaldy. Taldyqorǵan bilim bóliminiń bas býhgalteri 15 jylǵa bas bostandyǵynan aıyryldy! Al balanyń anasy 7 jylǵa sottaldy! Sizde júrek joq pa?» – dep jazdy ol.

Aıta keteıik, sottalǵandardan 3 mlrd teńgeden astam aqsha, zergerlik buıymdar, jyljymaıtyn jáne jyljymaly múlik tárkilendi.

Sot úkimi áli zańdy kúshine engen joq.