Oqý-aǵartý mınıstrligi merekede muǵalimderge gúl syılaýǵa bolatynyn aıtty

Foto: Oqý-aǵartý mınıstrligi

Oqý-aǵartý mınıstrliginiń baspasóz hatshysy Mereke Amangeldiqyzy óziniń áleýmettik jelidegi paraqshasynda muǵalimderdi mazalaǵan suraqqa jaýap berdi. Bul týraly Stan.kz aqparat agenttigi habarlaıdy.

“Mereke qarsańynda áriptesterden «Muǵalimge gúl syılaýǵa bola ma?» degen suraqtar túse bastady. Osy oraıda atalǵan suraqqa qatysty ustanymdy bildirgim keledi. Ustazdar kúni rasynda erekshe kún, mereke pedagogterdiń bizdiń ómirimizdegi mańyzdy rólin taǵy bir eske salady. Sondaı-aq bul bizdi tárbıeleý men oqytýǵa bar kúsh-jigerin jumsaǵan ustazdarǵa alǵys bildirýdiń múmkindigi. Gúl syılaý, jaqsy lebiz bildirý – bizdiń muǵalimderimizge bildiretin alǵys sezimimizdiń belgisi. Aıta ketý kerek, ustazǵa qurmet kórsetý urpaqtar arasynda saqtalyp kele jatqan dástúr”, – deıdi Mereke Amangeldiqyzy.

Aıtýynsha, mundaı syılastyq ustaz eńbeginiń mańyzdylyǵyn kórsetip, urpaqtar arasyndaǵy syılastyq qarym-qatynasty nyǵaıta túsedi.