ورالمان مارتەبەسى ازاماتتىق الۋعا كەدەرگى بولماۋى كەرەك

الماتى قالاسى ىشكى ساياسات باسقارماسىنىڭ قولداۋىمەن قولعا الىنعان «وتان وتتان دا ىستىق» جوباسى ءوز ناتيجەسىن بەرىپ جاتىر. جوبا بارىسىندا كەيبىر قانداستارىمىز الا الماي جۇرگەن قۇجاتتارىن السا, كەيبىرى تەگىن قۇقىقتىق كەڭەسكە جۇگىنىپ, دەلدالسىز جۇمىس جولدارىن ءتۇسىندى.
اسىرەسە, الماتى وبلىسى, شەلەك اۋىلىنداعى كەيبىر قانداستار ءۇشىن ءتيىمسىز قيىنشىلىقتاردى كوزبەن كورىپ كەلگەن جوبا مۇشەلەرى ءمان-جايدى بىردەن جوعارىعا جازعان ەدى. ونداعى جەمقورلىق فاكتىلەرىن, قىزمەتكەرلەردىڭ دورەكىلىگى, دەلدالدىق جۇيەنىڭ قالىپتاسۋى سياقتى ءبىر قاتار پروبلەمالاردى كوتەرگەن بولاتىنبىز. ناتيجەسىندە, اراعا اي سالماي جاتىپ وبلىستىق كوشى-قوننان «شەلەك ماسەلەسى» بويىنشا تەكسەرىس ءجۇرىپ جاتقانىن حابارلادى.

ەندى مىنە مينيسترلىكتەن حات كەلىپ جاتىر. دەمەك, بۇل – ۇكىمەتتىڭ, قۇزىرلى ورگانداردىڭ قانداستار ماسەلەسىنە بەي-جاي قارامايتىنى. تەك پروبلەما جوعارى جاققا جۇيەلى, ناقتى جەتپەيتىندىگى جانە ەلباسىنىڭ قاتاڭ تاپسىرماسىنىڭ ناتيجەسى دەپ بىلگەن ءجون. ەندىگى كەزەكتە «ورالمان مارتەبەسىنىڭ ۋاقىتىن ۇزارتۋ نەمەسە ورالمان مارتەبەسى ازاماتتىق الۋعا كەدەرگى بولماۋى كەرەك» – دەگەن ۇسىنىسىمىزدى قر پارلامەنتى قابىل السا, ناعىز سۇيىنشىلەيتىن كۇن تۋار ەدى. ياعني, ءبىز ورالمان كۋالىگىنىڭ ۋاقىتى ءوتىپ كەتۋىنە بايلانىستى ەلىمىزدىڭ تۇكپىر-تۇكپىرىندە مىڭداعان قانداستىڭ ازاماتتىققا زار بولىپ جۇرگەنى تۋرالى پارلامەنتكە ۇسىنىس حات جولداعان بولاتىنبىز. «ادىرنا» بىرلەستىگىنىڭ بۇل ۇسىنىسىنا جاۋاپ ءالى كەلمەدى. بىراق قاندايدا ءبىر وڭ وزگەرىس بولا قالىپ جاتسا, قازىرگى ورالمانداردىڭ جاپا-تارماعاي قر ازاماتى بولىپ شىعا كەلۋىنە 100 پايىز كەپىلدىك بولار ەدى. ەلگە كەلىپ سابىلىپ جۇرگەن مىڭداعان قانداستىڭ جان ايقايىن قر پارلامەنتى قاراۋسىز قالدىرمايدى دەگەن سەنىم باسىم. ەگەردە قاندايدا ءبىر جاعىمدى جاڭالىق بولا قالسا, وزدەرىڭىزدەن ءبىرىنشى بولىپ ءسۇيىنشى سۇراۋعا ءبىز دايىنبىز.

قۇرمەتوللا مۇحامەتحان ۇلى, «qandastar.kz» ءۇشىن