«О́te kishipeıil, tárbıeli jan bolǵan»: kúıeýi atqa súırep óltirgen Aızattyń azapty sýretteri tarady

Foto: ashyq derekkóz

Jetisý oblysynda qatygez kúıeýi atqa súırep óltirgen 32 jastaǵy kelinshektiń aýyr azapty óliminen keıingi sýretteri tarady. Sulý áıeldiń ashýly kúıeýi arqanǵa baılap qoıyp, uzaq ýaqyt azaptaǵan, atqa súıregen. Endi halyq qatigez, esersoq Aıbar Janbolatovty ómiriniń sońyna deıin sottaýdy surap otyr, dep habarlaıdy  qandastar.kz  Todayinfo agenttiginiń tilshisine silteme jasap.

Jetisýlyq jurttyń jetkizýinshe, Aızat óte aqyldy, sulý, kishipeıil, bir balanyń anasy bolǵan. О́te tárbıeli de sabyrly, aqyldy áıeldi kúıeýi at quıryǵyna baılap óltirgende, áıel ekinshi balasyna aıaǵy aýyr bolyp shyqqan. Qazir Aızattyń artynda eki jastaǵy qyzy qalǵan. Ol as aýyr jaǵdaıda jantásilim etken anasyn áli izdep keledi.

«Balasaz aýlynyda 32 jastaǵy Aızat Jumanova eki jastaǵy qyzynyń kózinshe aıaýsyz óltirilgen. Onyń kúıeýi Aıbar Janbolat mas bolyp kelip, aldymen janjal shyǵarǵan. Sodan keıin birneshe saǵat oıǵa kelmeıtin zorlyq-zombylyq jasaýǵa kóshken. О́lim jazasynyń eski rásimderindegideı qyzymdy baılap, tek Aızattyń synǵan qańqasy qalǵansha súıregen», — deıdi marqumnyń anasy Saltanat Jumanova.

Jerleý kezinde marqumdy jýyndyrǵan áıelder Aızattyń bet terisi qalmaǵanyn kórgen. Onyń bas mı súıegi, aıaq-qoly, jambasy, ózgede súıekteri kúıretilip ketken. Qanǵa bókken jas kelinshektiń týystary ǵana emes, kúlli aqsýlyqtar azapty ólim ákelgen aqymaq jigitti qatal jazalaýdy talap etýde. 

«Biz onyń kıimin sheshken kezde kóz jasymyzdy ustaı almadyq. Anam birden esinen tanyp qaldy. Denede birde-bir saý oryn bolǵan joq», — dep jylady Aızattyń ápkesi. 

Al azaptap óltirgen áıeliniń kıimderin qaskóı jolda aýystyryp tastaǵan. Aýrýhanaǵa qylmysty jasyryp, ózi qulap qalǵandaı keıipte aparǵan. Arasan aýyldyq okýrgine ákim bolmaq bolǵan Aıbar Janbolat byltyr saılaýǵa túsip, ózin salmaqty, ultshyl, namysshyl adam retinde elge kórsetip, úgit nasıhat júrgizgen.

Onyń saılaýaldy jarnamasynda «El úshin aıanba — erligińe syn, Jurt úshin aıanba — jigittigińe syn» degen degen urandy sózder jazylǵan. Eldiń baǵyna oraı ashýly erkek ákimdikke ótpeı qalǵan, onyń shynaıy beınesin biletin, biliminiń tómen ekenin uqqan halyq Aıbar Janbolatqa daýys bermegen. Al onyń áıelin biletin turǵyndar marqumdy joqtap, jazyp jatyr.

«Biz onyń azaptaǵanyna senimdimiz. Men 30 jyl feldsher bolyp jumys istedim. Mundaı jaraqattar qulaýdan nemese tóbelesten bolýy múmkin emes. Bul jerde aıamaı súıreý sııaqty. Bes mınýt emes, birneshe saǵat», — dedi marqumnyń tátesi Raýshan Dáýrenbekova. 

О́zin ákim retinde kórgisi kelgen qylmysker «Aızat selfı jasamaq bolǵanda terezden qulady» dep ótirikti uıalmaı aıtyp, jigittikke jat qylyqpen jaltaryp shyqqan. Bul qylmys azappen ólgen Saltanat Núkenovanyń isine uqsas. Alaıda polıııa  QR QK-niń 106—baby, 3—bóligi «abaısyzda ólimge ákep soqtyrǵan densaýlyqqa qasaqana aýyr zııan keltirý» boıynsha qylmystyq is qozǵady.

Halyq bul bappen múldem kelispeıdi. Abaısyzda emes, qasqana jasalǵan aýyr azapty ólim dep sanaıdy.

«Aızat óte aqyldy, kishipeıil jan bolǵan», «Qandaı ádemi áıel edi», «Qolyń syńǵyr, qalaı óltirdiń?», «Atý jazasy kerek», «Armanda ketken qaıran arý», «Aqymaq, esýas qazaqtyń jigitteri» degen syndy nebir pikirler jazyp jatyr jeli oqyrmandary.

Al, anasynyń kóz aldynda aýyr azappen ólgenin tolyq uqpasa da, shoshyp qalǵan kishkentaı qyz, «mama» sózin sybyrlap qana aıtyp, anasynyń kelýin kútip júr.