Parıj olımpıadasyna satylǵan bılet sany rekordyq kórsetkishke jetti

Foto: ashyq derekkóz

Parıjdegi Olımpıada oıyndarynyń ashylý saltanatyna az ýaqyt qaldy. Úsh kúnnen soń tórtjyldyqtyń basty dodasy óz alaýyn jaǵady. Olympic.kz aldaǵy oıyndar jaıly jańa ári qyzyqty derekterdi usyndy.

Olımpıada kezinde tennısshiler oınaıtyn dop tanystyryldy. Úlken tennıste el namysyn bes sportshy qorǵaıdy. «Rolan Garros» stadıonynda Elena Rybakına, Iýlııa Pýtıneva, Aleksandr Býblık, Aleksandr Shevchenko jáne Aleksandr Nedovesov (Býblıkpen juptasyp synǵa túsedi) óner kórsetedi.

Áıgili amerıkalyq reper Snýp Dogg olımpıada alaýynyń estafetasyna qatysady. Ol 26 shilde kúni alaýdy alyp júrmek. Sondaı-aq, ol Parıjde amerıkalyq NBC arnasynyń tilshisi bolyp jumys istemek.

Olımpıada aýyly resmı túrde ashylǵan soń, Franııa prezıdenti Emmanýel Makron arnaıy keldi. Ol Olımpıadanyń búkil el úshin mańyzdylyǵyn alǵa tartyp, uıymdastyrýshylardyń aıanbaı eńbek etkenin atap ótti. Sonymen qatar, eriktiler men sportshylarǵa alǵys aıtty.

Ázirge, Makronnyń Sena ózeninde júzýine qatysty aqpar joq. Buǵan deıin ol Parıjdegi bul ózenniń qaýipsiz ekenin dáleldeý úshin, júzip shyǵatynyn aıtqan edi. Al Parıj meri Anna Idalgo óz ýádesinde turyp, on mınýt ózende shomyldy. Sena ózeninde trıatlon, ashyq sýda júzýden jarystar ótedi.

Al uzynqulaqtan jetken málimet boıynsha, ashylý saltanatynda olımpıada alaýyn jeńil atletıkadan úsh dúrkin Olımpıada chempıony Marı-Joze Perek men dańqty fýtbolshy Zınedın Zıdan jaǵýy múmkin.

Dańqty olımpıadashy, álem rekordshysy Ýseın Bolt ta Olımpıadadan syrt qalmaıdy. Ol ózi kimge erekshe nazar aýdaratynyn da aıtty.

«Meniń nazaryma túsken bir jigit bar. Ol – amerıkalyq Errıon Naıton. Ol endi jıyrmaǵa toldy. Biraq óte myqty. Bári talanttyń damýyna baılanysty», – dedi sprınter.

Olımpıada oıyndaryna satylǵan bılet sany da rekordyq kórsetkishke jetti. Bul týraly Halyqaralyq Olımpıada komıteti habarlady. Búginge deıin 8,8 mıllıon bılet satylyp ketken. Buǵan deıingi rekord Atlanta Olımpıadasyna tıesili bolatyn – 8,3 mln.

2024 jylǵy Olımpıada oıyndarynyń uıymdastyrý komıtetiniń basshysy Tonı Estangeniń ashylý saltanaty týraly az-kem aqparat berdi.

«Olımpıadanyń ashylý saltanaty qanshalyqty mańyzdy ekenin bilemiz. Sondyqtan da, biz áý bastan qulshynysymyz myqty boldy. Bul ashylý saltanaty bizdiń Oıynymyzdyń bar qulshynysyn kórsetip, Franııadaǵy  jaqsy  nárselerdiń bárin pash etkenin qalaımyz», – dedi ol.

Sportshylar sherýi Sena ózeninde ótedi. Árbir delegaııa óz qaıyǵymen júzip ótedi. Baǵyttyń uzaqtyǵy alty shaqyrymdy quraıdy.