Павлодарда Шәкен Аймановтың өмірі жайында жазылған «Сұңғыла» кітабы жарық көрді

«Бұл кітапта негізінен өткен ғасырдың 60-70-ші жылдары баспасөз беттерінде жарық көрген мақалаларды, кітаптардағы кейбір естеліктерді топтастырдық. Келер ұрпақ Шәкен ағамыздың қандай адам болғанын, оның өмірінің қалай өрілгенін білсін деген ниеттен туып отыр. Жинаққа Олжас Сүлейменов, Әбіш Кекілбаев, Асанәлі Әшімов, Бибігүл Төлегенова, Әкім Тарази, Әшірбек Сығай және Шәкен Аймановпен иық тіресіп жұмыс істеген өзге де өнер қайраткерлерінің естелік мақалалары енді»,-деп атап өтті кітаптың құрастырушысы, филология ғылымдарының кандидаты, Амантай Құдабаев.